СРЕДНЕВЕКОВЫЕ ИСТОРИЧЕСКИЕ ИСТОЧНИКИ
ВОСТОКА И ЗАПАДА

ПРОЛОЖНОЕ ЖИТИЕ КНЯЗЯ ВЛАДИМИРА ОСОБОГО СОСТАВА

Текст памятников передается в упрощенной орфографии, с заменой вышедших из употребления букв. Жирным шрифтом выделены киноварные заголовки.

Распространенная редакция Проложного жития князя Владимира издавалась лишь один раз по единственному известному тогда списку Торжественника XV в. Румянцевского собрания, № 435 (Соболевский А. И. Памятники древнерусской литературы, посвященные Владимиру св. // Чтения в Историческом обществе Нестора Летописца. Кн. 2. Киев, 1888. С. 30-32). Ниже публикуется еще один, ранее неизвестный список этого произведения, находящийся в Соборнике XVI в.: РГБ. Ф. 113 (Иос.-Вол.). № 652. Л. 422 об.-425 об. Он имеет важные отличия по сравнению со списком, изданным Соболевским, и в ряде случаев дает более исправный текст. Еще одно важное отличие: в нашем списке отсутствуют рассказ об освящении и украшении Десятинной церкви и молитва князя Владимира по завершении строительства храма (извлеченные, вероятно, из летописи), что сближает данный текст с его основным вероятным источником — обычным Проложным житием князя Владимира. Житие читается в рукописи под 15 июля, днем памяти святого князя.

В тои же день успение благовернаго великаго князя Владимера, нареченнаго в святем крещение Василья.

Сии Володимер князь, сын Святославль, от племени варяжьска, преже убо во идолы верова, по очию преданию. Егда же въсхоте Бог люди многи к себе привести, и вдохну в него Бог благодать Святаго Духа. Он же возбнув, яко от сна, от лютаго идолослужения, и посла во /л. 423/ вся языкы испытати закона, како верують, и уведа святую веру греческую, яко свещу на светиле, и рече: «Сице сътворю, поиду в землю их и пленю град их, и обрящю тамо учителя». Да еже умыслить, ³то како творю³. И шед, взя Корсунь, князя и княгиню убии, а дщерь ею дасть за Жберну. И не распусти полков, но посла Ольга, воеводу своего, с Жьберном в [430] Царьград ко царема, прощает за ся сестры их. Царие же реша ему: «Аще креститися, то не се едино получити, но и царьство приимеши, с нами единоверник будеши». Он же рече: «Аще дастъ за мя сестру свою, то и аз крещюся. Аще ли не дасте, то створю граду вашему, яко и сему створих». Они же убояшася страхом, по/л. 423 об./имше потриарха и сестру свою, и вшедше в церковь Святыя Богородица, и поклонишася, глаголющи сице: «Госпожа Святая Богородица, яко тобою познахом истиннаго Бога, воплощашагося и рожьшагося ис тебе, не даи же, Госпоже, осквернити рабы своя поганому сему, но приведи его во крещение, да и ти познаютъ Сына Бога твоего». И се рекши, отпустиша ю с кресты, и с епископы, и с попы, и с крилосом, и проводиша в Корсунь.

В то же время Владимер очима боляше, и посла к нему царица, глаголющи: «Царю Владимере! Аще не крестишься, то не избудеши болезни сея». Он же рече: «Крестите мя, ибо на то вы есмы призвал». Егда же крестишася, и створи чюдо велие: вшедшю же ему в святую купель, отверзошася ему очи, и бысть яко нико/л. 424/лиже не болел. И похвали всех Бога, и просвещен бысть, радовашеся душею и телом. И пришед в Киев, и изби вся идолы: и Перуна, Хърса, Дажьбога, Мокошь и прочая вся идолы. Посем заповеда всем людем крестися и рече им: «Аще кто не обрящется утре на реце, тои будетъ мне противник». И заутра приидоша на Почаину реку вси мужи и жены и дети, свершении же в воде стояху, овии до пояса, а друзии до выя, а инии бродяху, а прозвитери по брегу стояща молитвы глаголаху, и та крестиша множество людии. Оттоле нарече святое место, идеже есть церкви Петрова. Сии же блаженныи Владимер первыи бысть наставник нашему спасению. Въздев руце на небо и помолися Богу за вся люди своя, глаголя: «Господи, Царю небесныи, и призри, Господи, на /л. 424 об./ новокрещение люди сия и даи же им. Господи, увидели Тебе, истиннаго Бога, утверди в них правоверную сию веру, и мне помози, Господи, на противныя врагы, да надеюся на Твою силу и помощь и попру вся козни их». Повеле же людем ставити церкви по всем градом и селом, а сам созда церковь Святую Богородицю Десятинную. Пожив же лет 28 и преставися к Богу месяца июля 15 день, и положиша тела его в церкви Святыя Богородица, юже сам созда. И плакася его множество бояр и людии: бояре аки оца, людие аки заступника, сироты и вдовици аки помощника и кормителя. Да како тя можем по достоянию похвалити, сътворшаго равно апостолом! Хвалити убо Римъская ⁴ земля Петра и Павла, а [431] Асииская Ивана Богослова, а Егу/л. 424/петьская Марка, а Онтиохииская Луку, а Греческая Андрея, вся же земля Руская тобе, Владимере, я[ко] ⁵ Божия апостола, молебными песньми память твою празнующе. Похвалныя венца принесем ти, глаголюще: Радуися, Владимере, приими венець от Вседержителя Бога! Радуися, святая глава, вожю и учителю нашъ, тобою бо мы избывше тмы и свет познахом! Радуися, красное древо святаго рая, [и]же ⁶ възрасти нам честнеи леторасли святую мученику Бориса и Глеба, от нею же ныне рустии сынове насыщаются, приемлюще недугом исцеление. Радуися, делателю веры Христовы, растерзав лестьное терние, взорав крещением всю землю и насеяв книгами, от них же жнуть рустии сынове полезныя рукояти покоянию, /л. 425 об./ а друзии ядять неоскудную пищю в царствии небесном, ея же трапезы сподобимся и мы, недостоини, кающеся грехов своих. Ему же слава.

ПРОЛОЖНОЕ СКАЗАНИЕ ОБ ОСВЯЩЕНИИ ДЕСЯТИННОЙ ЦЕРКВИ

Проложное сказание об освящении церкви Пресвятой Богородицы до сих пор не издано (если не считать крайне неудовлетворительного издания О. М. Бодянского «Об одном прологе Московской духовной типографии...» // Чтения в Обществе истории и древностей российских. 1846. Кн. 2. С. 22). Оно известно в огромном количестве списков, прежде всего в Прологах, в которых читается под 12 мая. Ниже печатается текст Проложного сказания в двух разновидностях (редакциях) по пергаменным Прологам первой половины XIV в. из собрания Синодальной типографии Российского государственного архива древних актов: РГАДА. Ф. 381. № 179. Л. 97; № 173. Л. 89 об.-90.

Первая редакция

В ть же день священие церкве Святыя Богородица, юже созда благоверныи князь Володимир, иже святымъ крещениемь просвети всю землю Русьскую.

И видев цьрковь съвьршену, и въшьд в ню, помолися: «Господи Боже, призри с небесе, и посети винограда своего, и съвьрши иже насади десница Твоя новыя люди, им же обратил еси сердца в разум познати Тя, истиннаго Бога, и призри на церковь сию, юже создах недостоиныи раб Твои в имя рожьшая Тя Матере приснодевыя Богородица. И аще кто помолится в неи, услыши молитву его и отпусти грехы его молитвы ради Пречистыя Богородица». И помолься, рече: [432] «Се даю Святей Богородици цьркви сеи от имения моего и от град моих десятую часть». И тако съвьши праздник боголепьн в лето 6504-е (996).

РГАДА. Ф. 381. № 179. Л. 97

Вторая редакция

В ть же день священие церкви Пресвятыя Богородица, юже създа благоверныи князь Василии, зовомыи Володимир, пьрвыи князь земля Русьскыя, иже обнови Божиею помощию крещениемь.

И видев цьрковь свершену, и вшед в ню, помолися:

«Господи Боже, призри с небесе, и посети винограда своего, и свьрши иже насади десница Твоя новыя люди, им же обратил еси сердца в разум познати Тя, Бога истаньнаго, и призри на церковь свое, юже създах не/л. 90/достоиныи раб Твои в имя рожьшая Тя Матере приснодевыя Богородица. И аще кто помолиться в церкви сеи, то услыши молитву его и отпусти грехы его молитвы ради Пресвятыя Богородица». И помолившюся ему, рек сице: «Се даю Святои Богородици церкви сеи от имения моего и от град моих десятую часть». И тако свьрши праздник благолепьн в лето 6504 (996).

РГАДА. Ф. 381. № 173. Л. 89 об.-90.

Комментарии

2. В рукописи без титла: кртившаго.

3-3. Так в рукописи. Следует читать: тако и створи.

4. В рукописи ошибочно: Миръская.

5. В рукописи: я.

6. В рукописи: же.