I. Лета 7027 марта. Послал князь великий во Царьгород к салтану Бориса Голохвастова того деля что наперед того послал был Митю Быка салтанова здоровья отведати, и над Митею на Дону так Божия воля ссталась до салтана не дошел. А от салтана к великому князю весть не бывала, и он послал о салтанове здоровье, да Ахмата царевича Менли-Гиреева царева сына брат его Магмед-Гирей царь велел убити, а сын его Гемметь у салтана у туретцкого, и князь великий о том с Борисом приказал, а проводити Бориса послал князь великий Стрекала Измайлова, да Якова Микитина сына Измаилова, а с ними детей боярских и казаков и пищалников.

А се грамота с Борисом к салтану, а имя Божие и великого князя и салтаново писано золотом в крузех. Бог наш Троица иже прежде век сый ныне есть Отец и Сын и Святый Дух. Великий государь Василей Божиею милостию един правый государь всея Русии и иным многим землям восточным и северным государь и великий князь (полный титул) Салим шаг-салтану государю костянтинопольскому и [620] беломорскому и черноморскому и караманскому и румскому и иных земель государю брату и другу нашему. Присылал еси к нам посла своего Камала князя, и мы твоего посла Камала князя к тебе отпустили, а с ним вместе посылали есмя к тебе своего ближнего добро во человека Василья Андреева сына Коробова твое здоровье видети, а наше здоровье тебе сказати; и ты нашего посла Василья к нам отпустил, а с ним вместе прислал еси к нал свою грамоту, а в грамоте в своей писал еси к нам, что еси с нами в дружбе и в братстве учинялся и послом нашим меж нас ходити на обе стороны: о нашем здоровье наше здоровье тебе сказати, а твое здоровье нам сказати, да и людем нашим торговым меж нас ходити на обе стороны доброволно без всякие зацепки, да и посла еси своего наборзе за нашим послом хотел к нам послати твое здоровье приехав нам сказати, а наше здоровье видети. И твой посол у нас и до сех мест не бывал, а того не ведаем, зачем у нас твой посол не бывал. И мы наперед сего лета 7024-го июня 24 писали к тебе свою грамоту, а ту есмя свою грамоту послали к твоему князю к Санчаг? х кафинскому, а приказали есмя к твоему Санчагу х кафинскому чтоб ту нашу грамоту до тебя допровадил; и у нас и про то от тебя весть к я канава не бывала, а того не ведаем, дошла ли до тебя та ваша грамота или не дошла, и мы были после того послали к тебе с своею грамотою своего человека Митю Степанова лета 7025-го апреля твоего, брата нашего, здоровья отведати. И над тем над нашим человеком на Дону Божия воля так ссталась, и тот ват человек до тебя не доехал. И мы ныне послала к тебе с сею своею грамотою твоего здоровья отведати, а свое здоровье тебе сказати ближнего своего человека Бориса Яковля сына Голохвастова. И как до тебя доедет наш человек Борис Яковлев сын Голохвастова с сею нашею грамотою, и ты б нашего человека Бориса у себя не издержав к нам отпустил, а с ним бы еси к нам отписал, зачем у нас от тебя и до сех мест посол твой не бывал, а вперед бы меж вас наши люди на обе стороны без оскудения ездили нашего здоровья видети, да и послы бы наши меж нас ходили на обе стороны: твои бы послы к вам ходили нашего здоровья видети, а наши бы послы к тебе ходили твоего здоровья видети, и гости б меж нас на обе стороны ходили без всякие зацепки. Писана в нашем государстве в нашем граде Москве. Лета 7027 марта.

А се речь салтану с Борисом. А се говорити от великого князя Салим-шаг-салтану туретцкому Борису Яковлеву сыну Голохвастову. Великий государь Василей Божиею милостию един правый государь всея Русии и иным многим землям въсточным и северным государь и великий [621] князь володимерский… (полный титул) тебе великому государю Салим-шаг-салтану государю костянтинопольскому и беломорскому и черноморскому и наталенскому и римскому и караманскому и румскому и иных земель государю велел поклонитися. А опосле того поминок подати, а опосле поминка грамота подати, а опосле грамоты речь говорити. Государь наш велел тебе говорити: посылали есмя к тебе вместе с твоим послом с Камалом ближнего своего доброго человека Василья Ондреева сына Коробова твое здоровье видети, а наше, здоровье тебе сказати, и ты нашего доброво человека Василья к нам отпустил, а с ним прислал еси к нам свою грамоту, а в грамоте в своей к нам писал еси, что еси с нами в дружбе и в братстве учинился, и послом нашим ходити меж нас на обе стороны о нашем здоровье — наше здоровье тебе сказати, а твое здоровье нам сказати, да и гостем меж нас ходити на обе стороны доброволно без всякие зацепки. Да и посла еси своего наборзе за нашим послом хотел к нам послати вашего здоровья видети, а твое здоровье нам сказати. И твой посол у нас и до сех мест не бывал, а того не ведаем, зачем у нас твой посол не бывал. И мы ныне послали к тебе твоего здоровья отведати, а свое здоровье тебе сказати ближнего своего человека Бориса Яковлева сына Голохвастова, а вперед бы меж нас наши люди на обе стороны ездили без оскудения нашего здоровья видети, дай послы бы меж нас ходили на обе стороны: твои бы послы к нам ходили нашего здоровья видети, а ваши б послы к тебе ходили твоего здоровья видети, да и гости б меж нас ходили на обе стороны доброволно без всякие зацепки.

А се таковы памяти даны Борису. Память Борису Голохвастову. Как ож даст Бог придет к салтану, и нечто пришлют к нему паши, а велят ему к себе итти, да велят ему себе речь говорити, а не быв у салтана да и грамот у него учнут просити, чтоб дал им грамоты, и Борису к пашам не итти и речи пашам не говорити и грамот им не дати, а отговариватись о том накрепко по великого князя наказу, а чтоб Борису самому салтану от великого князя грамота подати и речь говорити. А нечто пиши велят Борису с собою видетись на цареве дворе, потому ж как с ними виделся на цареве дворе Василей Коробов, и Борису к ним на царев двор итти, да с ними видетись, а речей им Борису не говорити и грамот не давати, а беречи то по великого князя наказу. А как ож даст Бог будет у салтана и грамоту от великого князя салтану подает и речь изговорит, и нечто учнет кто Борису от салтана или паша которой говорити о после или о гостех, и Борису говорити: государь наш к салтану писал в своей грамоте да и словом [622] семи от своего государя говорил, что государь наш вместе с его послом с Камалом посылал к нему своего ближнего человека Василья Ондреева сына Коробова, и салтан государя нашего посла отпустил, а с ним послал ко государю к нашему свою грамоту и со государем с нашим учинился в дружбе и в братстве, и посла своего хотел в нашему государю послати, да посол его и до сех мест у нашего государя не бывал, и весть никакова у государя нашего не бывала. И государь наш послал ныне меня к салтану свое здоровье ему сказати, а его здоровье видети, а вперед бы меж государя нашего и салтана на обе стороны люди их ездили без оскудения: нашего бы государя люди ездили к салтану доброводно без всякие зацепки его здоровья видети, а салтановы бы люди ездили к нашему государю нашего государя здоровья видети, да и послы б меж государей ходили на обе стороны доброволно их здоровья видети (конец листа оторван)... и гости б меж государей ходили на обе стороны без всякие зацепки, нашего бы государя люди ездили в его земли без всякие зацепки, а салтановы б люди ездили в нашего государя земли без всякие зацепки. И которые люди салтановы придут в государя вашего земли, и тем салтановым людем от государя нашего людей нечти и силы никак не будет и зауморков им не будет. А которые государя нашего люди придут в салтановы земли, я тем бы государя нашего людем от салтановых людей также нечти и силы никоторые не было и зауморков бы также не было.

Память Борису Голохвастову. Послал князь великий проводити его до Азова Стрекала Измайлова, да Якова Никитина, да с ними детей боярских и казаков, и как ож даст Бог Борис доедет до Озова, и ему из тех казаков оставить у себя дватцать человек (оторвано нисколько букв)... казаков послати из Азова к великому князю, а пять оставити в Азове вестей для, да приказати тем казаком доведыватись в Азове вестей, да каковы будут вести, и им ехати к великому князю, а десять казаков Борису взяти с собою в Кафу. А в Азове Борису от великого князя Бургану поминок и грамота послати с Темешом, а самому Борису с грамотою и с поминком не ходити ни х кому. Да пытати Борису в Азове про тамошние дела про все, и где ныне туретцкой во Царе ли городе или инде где, и не валчит ли с кем, или будет валчит, и он с кем валчит; а не будет его во Царе городе, и он где ныне, и как с Кизылбашем и с угорским и с волошским и с крымским. Да и про крымского Борису пытати: где ныне крымской и что его дела, и царевичи все ли ныне в Крыме или не все, и будут не все, и они где ныне, и куды им ныне походу чаяти ли из Крыму, и будет царь ныне в Крыме, и он как ныне с нагаи и с [623] азтораканцы, и бывал ли (несколько букв оторвано) Нагаи и из Азтаракани, или от него кто бывал ли в Нагаех и в Азтаракани, и не чаят ли походу из Нагаи и из Азтаракани х Крыму, и о всем ему о тамошнем деле пытати подлинно. Да что услышат про тамошние вести, и ему о том о всем отписати к великому князю подлинно с теми пятма казаки, которых пошлет к великому князю из Азова. А как ож даст Бог приедет в Кафу, и ему также к Санчагу поминок послати, да а грамота с Темешом же, а самому Борису к Санчагу с грамотою и с поминком не ходити. Да пытать Борису про все тамошнее дело подлинно в Кафе, да что услышит про тамошние вести, и ему о том о всем отписати также к великому князю подлинно. А отпустить ему из Кафы из тех десяти человек казаков, которые с ним поедут из Азова, колких пригоже, а иных оставить в Кафе, а дву казаков с собою ему взяти в Царь город (несколько букв оторвано) его во Царе городе подержат, и ему из Царяграда послати казака к великому князю, как мочно.

Память Борису Голохвастову: Как ож даст Бог, приедет во Царь город и у салтана будет и дела великого князя поделает, и ему итти к патриарху, да говорити ему речь от великого князя патриарху: Великий государь Василей Божиею милостию един правый государь всеа Русии и иным многим землям въсточным и северным государь и великий князь велел тебе говорити: прислал еси к нам митрополита Григорья Зихнотцкого да с ним диакона Деонисья бити челом к нам о милостыни, и митрополит Григорей дал Бог до вас дошел поздорову. И мы ныне Григорья митрополита хотели отпустить вместе с своим человеком с Борисом, ино Григорей митрополит в толь борзе не успел срядитись, того деля что если того своего вборзе отпустили. А ож даст Бог Григорья митрополита отпустим на борзе и милостыню к тебе с ним пошлем, а ты б ныне молил Бога и Пречистую его Матерь о нашем здоровье и о всем православном христианстве. — Великий государь велел тебе говорити: да здесь у нас человек гричин Марком зовут, а жена у него греческого же закону, а ныне во Царе городе, и он хочет у вас жити и бил нам челом, да и отцу вашему Варлааму митрополиту всеа Русии бил челом, чтоб нам к тебе приказати, чтоб ты жену его с благословением к нам отпустил, и ты б того человека Маркову жену для нашего прошенья, да и отца для нашего Варлаама митрополита всеа Руси с благословением к нам отпустил. — Да похочет Маркова жена ехати с Борисом и митрополит ее благословит и отпустит, и учнет Маркова жена говорити, чтоб Борис молвил о ней речь салтану, или пашам, и Борису тогды молвити от великого князя пашам, чтоб паши донесли речь салтана, чтоб салтан велел ту Маркову жену [624] отпустить без всякие зацепки. Да отпустят Маркову жену с Борисом, и что будет Маркове жене надобе на дорогу, и Борису ей дати, что встанет у Бориса великого князя бологодети, и ему из великого князя бологодети Маркове жене дати, что будет ей надобе, чем бы ей мочно было проехати, а не останетца у Бориса великого князя бологодети, и Борису дати Маркове жене своих денег, сколко будет ей понадобитца, а князь великий Борису здесь заплатит.

А се такова память дана Борису о Ахматовых царевичевых детей о Геммете с братьею. Память Борису Голохвастову: Как ож даст Бог приедет в Кафу, и ему пытати Ахматовых царевичевых детей Юсуфа царевича с братом, да будут они в Кафе и допытается их Борис, и будет лзе с ними Борису самому видетися, и Борису с ними видетись самому, да говорити им от великого князя речь по великого князя наказу по сей записи: Князь великий велел вам говорити: отец ваш Ахмат царевич был нам друг и брат, и присылка к нам от отца от вашего о тебе Юсуфе царевиче была, и ныне над отцем над вашим так Божия воля ссталася, в животе его не стало. И мы к вам приказываем поминаючи к себе отца вашего дружбу и братство, чтоб есте поехали к нам, а и вам в своей земле место дадим и дружбу свою хотим к вам держати и беречи вас хотим, сколко нам Бог поможет. — Да нечто в Кафе тут с ними будет аталык их, и Борису и с аталыком с их о том говорити, чтоб царевичи поехали к великому князю, да и аталык бы поехал с ними к великому жь князю, а князь великий им в своей земле место даст и дружбу свою хочет к ним держати и беречи их хочет. Да нечто тут в Кафе будет Ахматовской человек Качим, и Борису и с Катимом о том говорити; да и о том ему с Качимом поговорити без Бахтеар мурзина слова, царевичем лзе ли к великому князю ехати. И нечто учнет говорити Качим, чтоб о том с Бахтеар-мурзою обослатись, и Борису тогды к Бахтеар мурзе приказали с Качимом о том, чтоб царевичи поехали к великому князю. А будет лзе Бахтеару видетись с Борисом в Кафе, и Борису и самому видетися с Бахтеаром в Кафе, да о том ему с Бахтеаром мурзою говорити; а нечто будет нелзе Борису с Бахтеаром видетись в Кафе, или инде близко Кафы, ино к нему послати видетись казака великого князя Темеша Кадышева, да о том же с ним велеть говорити, чтоб царевичи поехали к великому князю, а в Крым Кадыша не посылати. Да Качим ли до Бахтеар мурзу донесет ту речь, Борис ли с ним сам видится, или с ним Темеш видится, и будет Бахтеар мурзина мысль, что царевичем ехати к великому князю, и Бахтеар бы мурза ими промыслил, как бы им до великого князя доехати. — Да нечто [625] царевичи похотят у Бориса правды на том, что им великому князю в своей земле место дати и дружба к ним великому князю держати и их беречи, и Борису им правда дати на том, что князь великий им в своей земле место даст и дружбу свою князь великий к ним учнет держати и беречи их великому князю, а которые люди с ними приедут, и князь великий их пожалует. А нечто похотят у Бориса правды на том, чтоб им князь великий дал место то и то имянем которое назовет, и Борису на том правды не давати. А нечто царевичи у Бориса похотят правды на том, что им побыв у великого князя в земле да куды похотят итти из земли вон, и великому князю их отпустити, и Борису им и на том правда дати, что их князь великий от себя из земли отпустит. А нечто будет Борису самому со царевичи в Кафе нелзе видетись, и Борису послати к ним великого князя казака Темеша Кадышова, а велети ему Темешу царевичем от великого князя тож говорити, чтоб поехали к великому князю, аж они будут в Кафе, или инде где близко Кафы, а не в Крыму, а будут в Крыму, ино к ним Темеша не посылати, а посылати добывати Качима, да приказати с Качимом к царевичем, а не будет в Кафе аталыка их и Качима, и Борису послати в Крым великого князя казака резанца или татарина, которого пригоже, опричь Темеша, которого бы в Крыму не знали, а Темеша не посылати. А добудется тутошней человек, или у тех царевичев будет каков татарин, ино того послати, а велети допытатися Качима, и допытается Качима, и тому казаку говорити Качиму, чтоб виделся с Борисом в Кафе, и приедет Качим в Кафу, и Борису Качиму говорити, чтоб Качим памятовал великого князя к себе жалованье, да и государя бы своего Ахматово жалованье к себе памятовал и великого князя добра к Ахмату. И князь великий и ныне для Ахматова к себе добра и он царевичев хочет к себе взяти и хочет их беречи, и Качим бы говорил аталыку Юсуфову царевичеву, чтоб аталык говорил царевичем, чтоб царевичи поехали к великому князю. А будет пригоже Качиму о том говорити и Бахтеар мурзе, и Качим бы то донес и до Бахтеар-мурзы, чтоб царевичи поехали к великому князю. Да и о том Борису говорити Качиму, чтоб донесл до аталыка и до Бахтеар-мурзы; чтоб как видетись с ними Борису в Кафе или инде где пригоже, и велит с собою аталык и Бахтеар-мурза видетись Борису в Кафе или инде где пригоже близко Кафы, и будет пригоже в Кафе видетись Борису с Бахтеаром и с аталыком, и Борису с ними видетися; да видится Борис с Бахтеаром и с аталыком, и Борису им тож говорити, чтоб царевичи поехали к великому князю, а князь великий им место в своей земле даст и дружбу свою хочет к ним держати и беречи их хочет. [626] Да и о Геммете царевиче с Катимом поговорити, где ныне Геммет царевич, и как с ним мочно видетись, о всем ему о том выпросити Качима. — А как оже даст Бог Борис доедет здорово до салтана до туретцкого, и будет туто у салтана Ахматов царевичев сын Геммет царевич, и где будет пригоже Борису у Гемметя быти и с ним видетись, и Борису самому с ним видетися. — Да говорити Борису Гемметю царевичу от великого князя речь по сей записи. Князь великий велел тебе говорити: ведаешь сам, что отец твой Ахмат-царевич нам был друг и брат, и присылка отца твоего от Ахмата царевича к нам была, да и от тебя к нам присылка была, и мы к отцу твоему к брату своему к Охмату дружбу и добро свое держали, да и к тебе есмя дружбу свою держали, и вперед есмя к отцу твоему и к тебе дружбу свою хотели держати. И ныне над отцем твоим так Божия воля осталась, в животе его не стало, и ты б поехал к нам, а мы тебе в своей земле место дадим и дружбу свою хотим к тебе держати и беречи тебя хотим и дела твоего хотим беречи, сколко нам Бог поможет, а которые люди с тобою к нам приедут, и мы тех твоих людей пожалуем. А нечто Геммет царевич учнет говорити Борису: поеду из к великому князю, и даст ли мне князь великий городок Мещеру или учнет о Кошыре говорити, и Борису-царевичу говорити: как, господине, приедешь к государю нашему, и государь наш, господине, городок Мещеру тебе даст, или Кошыру. И похочет царевич у Бориса на том и правды, и Борису царевичу на том и правда дати, что ему князь великий городок Мещеру даст, или Кошыру. А нечто царевич учнет говорити о которых о иных городех, даст ли мне князь великий тот и тот город, которой назовет имянем, и Борису говорити: царевич, господине, как ты будешь у государя нашего, и государь ваш тебе в своей земле место даст, где тебе пригоже у него быти. Да опричь городка Мещеры и Кошыры о иных городех Борису-царевичу правды не давати, а говорити о том по великого князя наказу. А нечто царевич учнет Борису говорити: дай ты мне правду на том, приеду яз к великому князю и даст мне князь великий место в своей земле, и побыв яз у великого князя похочю ехати от него из земли вон, и князь великий меня отпустит ли от себя из земли вон, и Борису царевичу и на том правда дати, что его князь великий отпустит от себя из земли вон без всякие зацепки.

А не мочно будет самому Борису с Гемметем царевичем видетись, и Борису к нему послати великого князя казака Темеша Кадышева, а велети ему от великого князя Гемметю царевичу тож говорити, чтоб поехал к великому князю, да что Геммет царевич отвечает Борису или Темешу, хочет ли ехати к великому князю, и толко похочет [627] ехати к великому князю, и он о которое всеми похочет ехати и которым обычаем хочет от царя ехати и на которые ему места ехати. Да как мочно будет Борису, чтоб ему однолично видетись самому с Гемметем царевичем. А нечто будет ему самому не мочно видетись с Гемметем, ино бы ся с Гемметем царевичем видел Темеш Кадышев. И делати Борису о всем по великого князя наказу, чтоб как дал Бог Геммет царевич был у великого князя. Да посланы с Борисом к царевичем опасные грамоты и Борису те грамоты держати у себя тайно; да уговорятся о том царевичи, что похитят ехати к великому князю, а попытают Бориса, прислал ли к вам князь великий грамоты опасные, и Борису им говорити: дайте, господина, мне на том шерть, что вам того не сказати никому, что князь великий послал к вам свои опасные грамоты. И дадут шерть царевичи и аталыки их на том, что им того не сказати никому, и Борису им грамоты дати, а не укрепив царевичев шертю грамот не дати. Да и с Гемметем Борис видится и уговорит, что ему ехати к великому князю, а попросит грамоты опасные, ино его также шертью укрепити. А нечто какова будет притча над Борисом, а не надобе тех грамот Борису держати у себя, и Борису те грамоты истеряти, чтоб их у Бориса не было, не ведал бы их никто. О всем Борису дела великого князя беречи и делати по великого князя наказу, Да нечто Геммет царевич похочет ехати к великому князю, а учнет Борису говорити, чтоб Борис о нем салтану речь молвил, чтоб ему салтан отпустил к великому князю, и Борису царевичу молвити: царевич, господине, то ты мне велишь о себе речь говорити салтану, ино, господине, тебе не будет ли в том какой порухи, да и мне, господине, какова слова недоброво не будет ли, да и дела, что яз о тебе молвлю речь салтану. И возмолвит царевич Борису, что ему в том порухи не будет, да и Борису слова недоброво не будет, и узнает то Борис, что царевич хочет ехати к великому князю, а хотя то говорити Борису, чтоб о нем Борис речь молвил салтану. И Борису, поукрепя царевича шертью, да кто будет и аталык, и ему и аталыка к шерти привести, что царевичу ехати к великому князю, и слова в том от салтана царевичу не будет, да и Борису в том слова не будет, и Борису тогды о нем салтану речь молвити от великого князя, да и царевичю Гемметю ся речь тогды сказати: Великий государь Василей Божиею милостию един правый государь всеа Русии и иным многим землям въсточным и северным государь и великий князь велел тебе говорити: Ахмат-царевич Менли-Гиреев царев сын нам был друг, а мы были ему друзи ж, да и сын его Гемметь царевич нам был друг и хотел к нам ехати, а и ныне хочет к нам ехати, и ты б Гемметя царевича к нам отпустил без всякие [628] зацепки. А узнает то Борис, что царевич говорит Борису, чтоб о нем речь молвил салтану, а к великому князю не хочет ехати, и поруха какова будет царевичу, да и Борису в том слово будет и Борису тогды о нем речи салтану не говорити, а отговариватись о том по великого князя наказу.

А се таковы грамоты опасные посланы с Борисом к царевичем: От великого князя Василья Ивановича всеа Русии брата нашего Ахмат-Гирееву царевичеву сыну, как и нашему сыну, Гемметь-Гирею царевичу. Отец твой Ахмат-Гирей-царевич был нам друг и брат, и присылка к нам от отца от твоего о тебе была, да и от тебя к нам присылка была, и мы к отцу твоему, к брату своему, дружбу свою держали и добро свое чинили и дела его берегли, а вперед есмя к отцу к твоему, к брату к своему, дружбу свою хотели держати и добро свое чинити и дела его, брата своего и твоего дела беречи. И ныне над братом над нашим над твоим отцем так Божьа воля осталась, в животе его не стало, и вы б ныне поехали к нам, а мы тебе в своей земле место дадим и дружбу свою хотим к тебе держати и добро свое чинити и дела твоего хотим беречи, сколко нам Бог поможет. А которые твои люди с тобою к нам приедут и мы их пожалуем, а поехал бы еси к нам без всякого сум-нения и без опасу, а приехати тебе к нам доброволно и с своими людми и отъехати от нас доброволно без всякого опасу, а сия тебе наша грамота и опасная. Писан на Москве лета 7027 марта.

От великого князя Василья Ивановича всеа Русии брата нашего Ахмат-Гирей царевичевым детем, как и нашим детем, Юсуфу царевичу, да Бачкаку царевичу. Отец ваш Ахмат царевич нам был друг и брат, а мы к нему дружбу свою и братство держали, и присылка о тебе о Юсуфе о царевиче от отца твоего к нам была. И мы к брату к своему к Ахмату царевичу и вперед дружбу свою хотели держати и добро свое чинити, да и к вам есмя дружбу свою хотели держати и добро свое чинити и над отцем над вашим так Божиа воля осталась, в животе его не стало, и вы б ныне поехали к нам, а мы вам в своей земле место дадим и дружбу свою хотим к вам держати и беречи вас хотим, сколко нам Бог поможет. А которые ваши люди с вами к нам приедут, и мы их пожалуем, а поехали б есте к вам без всякого сумнения и без опасу, а приехати вам к нам доброволно и с своими людми и отъехати от нас добровольно безо всякого опасу, а сиа вам наша грамота и опасная. Писан на Москве лета 7027 марта.

А се грамота к Дербулат улану Азовскому. Великий государь Василей Божьею милостию един правый государь всеа Русии и иным [629] многим землям восточным и северным государь и великий князь (полный титул) брата и друга нашего Салимшаг-салтанову слузе Диздерь-бургану-Азовскому. Послали есмя к брату и к другу своему к Салимшаг-салтану своего человека Бориса Яковля сына Голохвастова с своею грамотою, и как ож даст Бог тот наш человек Борис приидет в Азов, и ты б того нашего человека Бориса в Азове не издержав отпустил к брату и другу нашему к Салимшаг-салтану, да и проводити б еси его послал до Кафы, чтоб ему, как дал Бог, до Кафы здорово доехати. Да Бориса же есмя послали проводити до Азова своих детей боарских Ивана Васильева сына Измаилова да Якова Никитина сына Измаилова, а велели есмя им воротитись к себе из Азова. И ты б тех наших детей боарских и казаков из Азова к нам отпустил, да и проводити бы еси их послал, чтоб им как до нас без страху здорово доехати, а с ними бы еси к нам отписал про брата нашего про Салимшаг-салтаново здоровье и где он ныне, да и про все бы еси про тамошние дела с ними к нам отписал, а как еси наперед того нам служил и о вестех к нам писал, а мы ож даст Бог и вперед тебя брата своего Салимшаг-салтанова слугу жаловати хотим. Да писали есмя свою грамоту к брата своего слузе к Санчагу кафинскому, а ту есмя грамоту велели дати тебе, а ты б ту нашу грамоту к Санчагу отослал часа того, наперед нашего сына боарского Бориса.

А се грамота в Кафу к Санчагу, Великий государь Василей Божиею милостию един правый государь всеа Русии и иным многим землям восточным и северным государь и великий князь (полный титул) брата и друга нашего Салимшаг-салтанову слузе Магмедю князю Санчагу кафинскому, Писал еси в своей грамоте к Григорью митрополиту Зихнотцкому, что от нас к брату нашему к Салимшаг салтану наш посол не бывал, и нечто похотим послати к брату своему своего посла, и ты нам хочешь служити и въстречю нашего посла хочешь послати людей его поберечи, чтоб ему до брата нашего дал Бог дойти по здорову. И митрополит Григорей то до нас донес. И мы ныне к брату своему к Салимшаг салтану послали своего ближнего человека Бориса Яковлева сына Голохвастова, и ты б приказал людем брата нашего, где приедет наш ближней человек Борис, и они бы его тут берегли и въстречю бы еси к нему людей послал, чтоб его берегли, чтобы бесстрашно до Кафы и до брата нашего дойти по здорову, а того бы еси нашего ближнего нашего человека Бориса Голохвастова не издержав отпустил к брату и другу нашему к Салимшаг-салтану, чтоб ему ранее быти у брата и друга нашего у Салимшаг-салтана. Да велели есмя тому своему ближнему человеку Борису оставити в Кафе своих казаков, и как будет [630] всеми тем нашим казаком к нам итти, и ты б тех наших казаков к нам отпустил, да и проводити бы еси их послал до Азова, чтоб им как дал Бог до Азова дойти по здорову. А с теми бы еси с нашими казаки к нам отписал про брата и друга вашего про Салимшаг-салтаново здоровье, как его Бог милует, и где он ныне, чтоб нам про его здоровье ведомо было, да и про все бы еси про тамошние дела и про вести к нам отписал, а мы ож дает Бог к тебе к брата нашего и друга к Салимшаг-салтанову слузе вперед жалованье свое хотим держати.

Комментарии

69. См выше № 24, продолжение же сообщений с Турцией ниже, № 37.

Спасибо команде vostlit.info за огромную работу по переводу и редактированию этих исторических документов! Это колоссальный труд волонтёров, включая ручную редактуру распознанных файлов. Источник: vostlit.info