I. А се посолство со князем Юрьем к Магмед-Гирею царю, толко Аппак князь посол царев пойдет к великому князю и шертную грамоту повезет к великому князю с того списка, каков список послал князь великий ко царю с Останею с Ондреевым, и князю Юрью ся речь говорити царю.

Говорити от великого князя Магмед-Гирею царю князю Юрью Дмитреевичу Пронскому, а Илья бы Челищев туто жь был. А будет Остана Ондреев в Крыму, ино бы и Останя туто жь был. Брат твой князь великий Василей Иванович всея Русии велел тебе челом ударити. Брат твой князь великий Василей Ивановича всея Русии велел твое здоровье видети. А опосле того поминки подати по записи, а опосле поминков речь говорити. Брат твой князь великий Василей Ивановича всея [573] Русии велел тебе говорити: прислал еси к нам своего посла Кудояр-мурзу, а в грамоте в своей к нам писал еси, да и словом нам от тебя говорил посол твой Кудояр мурза, что с нами в дружбе и в братстве в крепкой хочешь быти и другу нашему хочешь прямо другом быти, а недругу нашему хочешь прямо недругом быти, и на всех ваших недругов хочешь с вами быти заодин и от нашего еси недруга от литовского прямо отстал и послал еси на своего и на нашего недруга на литовского землю сына своего Багатыря царевича, да Алпа царевича, да Геммета царевича, да Саип-Гирея царевича и иных царевичев со многою ратью, и велел еси своему и нашему недругу литовскому недружбу свою чинити. Да в той же в своей грамоте писал еси к нам, да и словом нам от тебя говорил посол твой Кудояр-мурза: как до нас доедет твой посол Кудояр-мурза, и нам бы твоего посла Кудояр-мурзу не издержав к тебе отпустити, а с ним бы нам к тебе послати своего доброго боярина с добрыми поминки. И как у тебя будет твой посол Кудояр-мурза и наш боярин, и ты грамоту свою шертную велишь написати и правду к нам на той грамоте учинишь почен сам собою в головах и с своим братом с Ахматом царевичем и с своею братьею и с своими детми и с уланы и со князи и, и к нам пошлешь своего болшего посла доброго своего человека Аппака князя и ту свою шертную грамоту пошлешь к нам с своим добрым человеком с Аппаком князем. — Князь великий велел тебе говорити: и как до нас доехал посол твой Кудояр-мурза, и мы к тебе к брату своему послали ближнего своего человека Останю Ондреева с своею грамотою, а в грамоте в своей писали есмя к тебе, что посла твоего Кудояр-мурзу к тебе отпускаем, а с ним вместе посылаем к тебе к брату своему своего доброго боярина с добрыми поминки князя Юрья Дмитреевича Пронского, и как до тебя до брата нашего доедет наш ближней человек Останя Ондреев, и ты б брат наш по своей правде и по своему крепкому слову грамоту свою шертную велел написати с того списка слово в слово, каков список послали есмя к тебе с своим ближним человеком с Останею с Ондреевым, и правду б еси нам на той грамоте учинил почен сам собою в головах и с своим братом с Ахматом царевичем и с своею братьею и с своими детми и с уланы и со князми перед своим послом перед Аппаком, а наш бы то ближней человек Останя Ондреев видел, и своего бы еси болшего посла доброго человека Аппака князя к нам послал и ту бы еси свою шертную грамоту к нам послал с своим болшим послом с Аппаком князем. — Князь великий велел тебе говорити: и как до тебя до брата нашего доехал наш ближней человек Останя Ондреев, [574] и ты брат наш по своей правде и по своему крепкому слову грамоту свою шертную велел написати и правду еси к нам на той грамоте учинил почен сам собою в головах и с своим братом с Ахматом царевичем и с своими дети и с Багатырем царевичем и с Алпом царевичем и с Гемметем царевичем и с иными с своими детки и с уланы и со князми перед своим послом перед Аппаком князем, и своего еси болшего посла доброго человека Аппака князя к нам дослал и ту еси свою шертную грамоту с Аппаком князем к нам послал. — Князь великий велел тебе говорити: и что еси, брат наш, учинился с нами в крепкой дружбе и братстве и свою еси шертную грамоту послал к вам с своим болшим послом с добрым человеком с Аппаком князем и другу еси нашему прямо друг, а недругу еси нашему прямо недруг, и от нашего еси недруга от литовского прямо отстал, и мы тебе брату своему на том челом бьем. — Князь великий велел тебе говорити: и ты б царь, брат наш, и вперед на той на своей правде крепко стоял и по той по своей правде нам правил и другу бы еси нашему прямо друг был, а недругу нашему прямо недруг был, и на всех ваших недругов был бы еси с нами заодин и на вопчих наших недругов на Ахматовых детей и на Махмутовых и на литовского был бы еси с нами заодин. А как аже даст Бог будет у нас твой болшей посол доброй человек Аппак князь с твоею с шертною грамотою, и мы к тебе к брату своему также правду учиним перед твоим болшим послом перед Аппаком князем. И как есмя наперед того на своей правде крепко стояли, так и ныне на своей правде крепко стоим, и вперед на своей правде хотим крепко стояти, и другу есмя твоему друг, а недругу недруг, и на всех твоих и своих недругов с тобою есмя с братом своим заодин и на вопчих наших недругов на Ахматовых детей и на Махмутовых и на литовского с тобою есмя с братом своим заодин, и где твой недруг ни будет, тут есмя с тобою с братом своим на него заодин, и дела твоего, брата своего, везде хотим беречи и делати, сколко нам Бог поможет.

А се другая речь князю Юрью Дмитреевичю говорити Магмед-Гирею царю, толко пойдет Аппак князь к великому князю, а шертные грамоты не повезет. Говорити от великого князя Магмед-Гирею царю князю Юрью Дмитреевичу Пронскому, а Илья бы Челищев туто жь был, а будет Останя Ондреев не поехал из Крыму к великому князю, и Останя бы туто жь был. — Брат твой князь великий Василей Иванович всея Русии велел тебе челом ударити. Брат твой князь великий Василей Иванович всея Русии велел твое здоровье видети. А опосле того поминки подати по записи, а опосле поминков речь говорити. Брат твой князь [575] Василей Иванович всея Русии велел тебе говорити: прислал еси к нам своего посла Кудояр-мурзу ⁶⁴…. — Князь великий велел тебе говорити: и как до тебя до брата нашего доехал наш ближней человек Останя Ондреев и ты брат наш послал к нам болшего своего посла доброго человека Аппака князя, а грамоты еси своей шертные с того списка, каков есмя список послали к тебе с своим ближним человеком с Останею с Ондреевым, нацисати не велел и правды еси к нам на той грамоте почен сам собою в головах и с своим братом с Ахматом царевичем и с своими детми с Багатырем царевичем и с Алпом царевичем и с Гемметем царевичем и с иными царевичи и с уланы и со князми не учинил и тое еси своей шертные грамоты с своим болшим послом с добрым человеком с Аппаком князем к нам не послал. — Князь великий велел тебе говорити: и ты б царь брат наш и ныне по своей правде и по своему крепкому слову другу бы еси нашему прямо друг был, а недругу нашему прямо недруг был, и на всех наших недругов был бы еси с нами заодин, и от нашего бы еси недруга от литовского прямо отстал и грамоту бы еси свою шертную велел написати с того списка слово в слово, каков есмя список послали к нему с своим ближним человеком с Останею с Ондреевым и каков есмя список ныне послали к тебе с своим боярином со князем Юрьем с Дмитреевичем с Пронским, к нишаны бы еси свои и алые тамги к той грамоте велел прикласти, и правду бы еси к нам на той грамоте учинил почен сам собою в головах и с своим братом с Ахматом царевичем и с сбоями детми с Багатырем царевичем и с Алпом царевичем и с Гемметем царевичем и с иными царевичи и с уланы и со князми, и ту бы еси свою шертную грамоту послал к нам с нашим боярином со князем Юрьем, а нашего бы еси боярина князя Юрья Дмитреевича Пронского не издержав к нам отпустил. И как будет у нас наш боярин князь Юрьи с твоею шертною грамотою, и мы тогды к тебе к брату своему правду учиним перед твоим перед добрым человеком перед Аппаком князем. И как есмя наперед того на своей правде крепко стояли, так и ныне на своей правде крепко стоим и вперед на своей правде хотим крепко стояти, и другу есмя твоему друг, а недругу недруг, и на всех твоих и своих недругов с тобою есмя с братом своим на них заодин, а на вопчих наших недругов на Ахматовых детей и на Махмутовых и на литовского с тобою есмя с братом своим заодин, и где твой недруг ни будет, тут есмя с тобою с братом своим на [576] него заодин, и дела твоего, брата своего, везде хотим беречи и делати, колко нам Бог поможет.

А се говорити от великого князя Магмед-Гирею царю князю Юрью Дмитреевичу Пронскому наедине. А кому велят царь у себя быти у тое речи, ино то на его воле. И князю Юрью перед тем говорити, перед кем царь велит, а Илья бы туто жь был, а будет Останя Ондреев в Крыму, и Останя бы туто жь был.

О Киеве и о Азторокани. — Князь великий велел тебе говорити: писал еси к нам в своей грамоте, да и словом нам от тебя говорил посол твой Кудояр мурза, что Азторокань и литовской наши недрузи, и нам бы на Азторокань и на литовского быти с тобою с братом своим заодин. И хочешь на Асторокань рать свою послати, и нам бы тебе на Азторакань пособь учинити, или х Киеву и в Черкасом рать свою пошлешь, и нам бы с тобою с братом своим на литовского быти заодин. — Князь великий велел тебе говорити: и мы к тебе к брату своему и наперед сего приказывали, что есмя на твоих и на своих недругов везде с тобою с братом своим на них заодин, где твой недруг ни будет, тут есмя с тобою с братом своим на них заодин, а на вопчих наших недругов, на Ахматовых детей и на Махмутовых и на Азторокань и на литовского с тобою есмя с братом своим на них заодин. И пойдешь брат наш на Азторокань иди рать свою пошлешь, и мы тебе брату своему тогды на Азторокань помочь учиним и дела твоего, брата своего, везде хотим беречи и делати, сколко нам Бог поможет. А как аж даст Бог будет у нас твой посол Аппак князь, и мы с ним о том переговорим, как нам с тобою с братом своим твое дело Астороканское делати заодин. А что еся к нам писал о Киеве и о Черкасах, ино ведомо тебе брату нашему, от колких лет литовской нам недруг, и как есмя с ним наперед сего свое дело делали, и ныне делаем, и с тобою с братом своим на твоего и на своего недруга и ныне есмя заодин и с тобою с братом своим с тем своим недругом хотим твое и свое дело делати заодин. А как нам с тем с твоим и с своим недругом твое и свое дело делати, и как аж даст Бог будет у нас твой болшей посол доброй человек Аппак князь, и мы о том переговорим с твоим болшим послом с добрым твоим человеком с Аппаком князем.

А се говорити князю Юрью Магмед-Гирею царю о его людех, которые попали на украйне великого князя людем. — Князь великий велел тебе говорити: писал еси к нам в своей грамоте с своим ближним человеком с Абдыл-Авель-Ших-зодою, что попал в руки твой человек Кишкар нашим людем, и нам бы его к тебе отпустити, и мы [577] того твоего человека Кишкара доискались и послали есмя его к тебе с твоим ближним человеком с Абдыл-Авель-Ших-зодою, а которые наши люди попади в руки твоим людем, и ты б тех сыскав к нам прислал.

А Ахмату царевичю и Богатырю царевичю и Алпу царевичю князю Юрью молвити. — Князь великий велел тебе говорити: писал еси к нам в своей грамоте, что попал в руки нашим людем твой человек Ит-Бакмас, и нам бы его к тебе отпустити, и мы того твоего человека доискався к тебе послали с брата нашего с отца твоего послом с Кодояр-мурзою.

А Алпу ему царевичу та жь речь молвити. А татарин его послан к нему Кутлу-Яр отдан его человеку Казыю. А Ахматовы Асан-Темирь Карамышев сын да Савмала-Шыр-Мердекова брата, да Абыз-Келдея, а даны Ахматовым людем Олло-Бердею Лаим-Бердей-дуванову сыну, да Халилю. А наперед того Ахмату послан человек его с Качимом Магмед,

А се молвити ему Аппаку князю. Князь великий велел тебе говорити прислал еси к нам свою грамоту бьючи челом, что попал в руки нашим людем твой человек Байт, и нам бы тебя пожаловати, того твоего человека к тебе послати, и мы тебя пожаловали, того есмя твоего человека Баиша послали к тебе с твоим человеком с Милк-Уманом. Да пожаловал князь великий отдал Кудояр мурзе три татарина Юз-Шаром зовут, Олло-Бердея Сырдякова сына да Клыч-Куру, и нечто про полон кто что молвит, и князю Юрью и тем говорити, что князь великий Кудояру дал три татарины.

II. А се говорити от великого князя Ахмату царевичю князю Юрью Дмитреевичу Пронскому, толко пойдет Аппак князь и грамоту шертную повезет, а Илья бы Челищев и Останя туто жь были. — Брат твой князь великий Василей Иванович всея Русии велел тебе поклонитися. Брат твой князь великий Василей Иванович всея Русии велел твое здоровье видети. А опосле того поминки подати по записи, а опосле поминков речь говорити. Князь великий велел тебе говорити: прислал к нам брат наш Магмед-Гирей царь посла своего Кудояр-мурзу, а ты вместе с брата своего с Магмед-Гиреевым послом с Кудояром прислал к нам своего человека Олло-Бердея Лаим-Бердей-дуванова сына, а писал еси к нам в своей грамоте и словом нам от тебя говорил твой человек Олло-Бердей, что у брата нашего у Магмед-Гирея царя дела нашего бережешь, а нам дружбу свою чинишь, и брат наш Магмед-Гирей царь, молвя свои крепкие слова, послал к нам своего посла Кудояр-мурзу. А и брат наш Магмед-Гирей царь к нам писал, да и словом нам от [578] него говорил посол его Кудояр мурза, что с нами в дружбе и в братстве в крепкой хочет быти ⁶⁵.... Князь великий велел тебе говорити: а что брат наш Магмед-Гирей царь другу нашему учинился прямо друг, а недругу нашему прямо недруг, и грамоту свою шертную велел написати и правду к нам на той грамоте учинил почен сам собою в головах и с тобою с своим братом с Ахматом царевичем и с своего братьею и с детми и с уланы и со князми, и ту свою шертную грамоту послал к нам с своим болшим послом с Аппаком князем: ино то ты царевич брат наш делаешь гораздо, что у брата нашего у Магмед-Гирея царя дела нашего бережешь, а нам дружбу свою чинишь. А как еси почал нашему и своему недругу литовскому недружбу чинити, так и ныне нашему и своему недругу литовскому недружбу доводишь, и ты бы царевич брат наш и вперед на своей правде крепко стоял и другу бы еси нашему друг был, а недругу недруг, и на всех наших недругов был бы еси с нами заодин и нашему бы еси и своему недругу литовскому недружбу свою доводил и у брата бы еси у своего у Магмед-Гирея царя дела нашего берег и делал, а нам дружбу свою чинил. А мы как наперед того к тебе к брату своему и к твоему сыну к Гемметю царевичу дружбу свою держали и добро свое чинили, так и ныне и вперед к тебе к брату своему и к твоему сыну Гемметю царевичу дружбу свою хотам держати и добро свое чинити и добра твоего, брата своего, и сына твоего Гемметева царевичева и всех твоих детей хотим беречи и делати, сколко нам Бог поможет.

А се говорити от великого князя Ахмату царевичю князю Юрью Дмитреевичу Пронскому, толко Аппак пойдет к великому князю, а грамоты шертные с ним царь не пошлет, а Илья бы Челищев и Останя туто жь были. — Брат твой князь великий Василей Иванович всея Русии велел тебе поклонитися. Брат твой князь великий Василей Иванович всея Русии велел твое здоровье видети. А опосле того поминки подати по записи, а опосле поминков речь говорити. Князь великий велел тебе говорити: прислал к нам брат наш Магмед Гирей царь своего посла Кудояр-мурзу, а ты вместе с брата своего с Магмед-Гиреевым царевым послом Кудояром прислал к нам своего человека Олло-Бердея Лаим-Бердей-дуванова сына, а писал еси к нам в своей грамоте и словом нам от тебя говорил твой человек Олло-Бердей, что у брата нашего у Магмед-Гирея царя дела нашего бережешь, а нам дружбу свою чинишь, и брат наш Магмед-Гирей царь, молвя свои крепкие слова, послал к нам своего посла Кудояр-мурзу. А и брат наш [579] Магмед-Гирей царь к нам писал, да и словом нам от него говорил посол его Кудояр-мурза, что с нами в дружбе и в братстве в крепкой хочет быти ⁶⁶.... Князь великий велел тебе говорити: и как до брата нашего до Магмед-Гирея царя и до тебя доехал наш ближней человек Останя Ондреев, и брат наш Магмед-Гирей царь послал к нам своего болшего посла доброго человека Аппака князя, а грамоты своей шертные с того списка, каков есмя список послали к нему с своим ближним человеком с Останею с Ондреевым, написати не велел и правды к нам брать наш на той грамоте почен сам собою в головах и с тобою с своим братом с Ахматом царевичем и с своими детми с Багатырем царевичем и с Алпом царевичем и с Гемметем царевичем и с иными царевичи и с уланы и со князми не учинил и тое своей шертные грамоты с своим болшим послом с добрым человеком с Аппаком князем к нам не послал. — Князь великий велел тебе говорити: и ты б брат наш Ахмат царевичь брату нашему да и своему Магмед-Гирею царю говорил, чтоб брат наш Магмед-Гирей царь по своей правде и по своему крепкому слову другу нашему прямо друг был, а недругу нашему прямо недруг был, и на всех наших недругов был бы с нами заодин и от нашего бы недруга от литовского прямо отстал и грамоту бы свою шертную велел написати с того списка слово в слово, каков есмя список послали к нему с своим ближним человеком с Останею с Ондреевым и каков есмя ныне список послали к нему с своим боярином со князем с Юрьем с Дмитреевичем с Пронским, и нишаны бы свои и алые тамги к той грамоте велел прикласти и правду бы к нам на той грамоте учинил почен сам собою в головах и с тобою с своим братом с Ахматом царевичем и с своими детый с Багатырем царевичем и с Алпом царевичем и с твоим сыном с Гемметем царевичем и с иными царевичи и с уланы и со князми, и ту б свою шертную грамоту послал к нам с нашим боярином со князем Юрьем, а нашего б боярина князя Юрья Дмитреевича Пронского не издержав к нам отпустил. А ты бы царевичь брат наш на своей правде крепко также стоял, и как еси почал нашему и своему недругу литовскому недружбу чинити, так и ныне нашему и своему недругу литовскому недружбу доводишь, и ты б царевичь брат наш я вперед на своей правде крепко стоял и другу бы еси нашему друг был, а недругу недруг, и на всех наших недругов был бы еси с нами заодин и нашему бы еси и своему недругу литовскому недружбу свою доводил и у брата бы у своего у Магмед-Гирея царя дела нашего берег и [580] делал, а нам дружбу свою чинил; а мы как наперед того на своей правде крепко стояли, так и ныне на своей правде крепко стоим, и вперед на своей правде хотим крепко стояти и другу есмя брата своего царевым друзи, а недругу недрузи, и на всех его и своих недругов с ним есмя с братом с своим и с тобою на них заодин, а на вопчих его и своих недругов на Ахматовых детей и на Махмутовых и на литовского с ним есмя с братом с своим заодин, и где его недруг ни будет, тут есмя с ним с братом с своим на него заодин, и дела его, брата своего, Магмед-Гиреева царева и твоего брата своего и твоих детей везде хотим беречи и делати, сколко нам Бог поможет.

А се говорити князю Юрью Дмитреевичу Пронскому Багатырю царевичю, а Илья бы Челищев и Останя туто жь были, толко Аппак князь пойдет и грамоту шертную повезет.

Князь великий Василий Иванович всея Руси тебе брату своему Багатырю царевичю велел поклонитися. Князь великий Василей Иванович всея Руси тебя брата своего Багатыря царевича велел о здоровье вспросити. А опосле того поминки подати по записи, а опосле поминков речь говорити. Князь великий велел тебе говорити: прислал к нам отец твой брат наш Магмед-Гирей царь своего посла Кудояр-мурзу, а ты вместе с брата нашего со отца своего послом с Кудояром прислал к нам своего человека Кадыша. А писал еси к нам в своей грамоте, что еси, послушав лихих людей, некоторое недоброе дело учинил, и ты ныне от того недоброго дела отстал и вперед лихих людей речей слушати не хочешь и другу еси нашему прямо друг, а недругу нашему прямо недруг, и от нашего еси недруга от литовского прямо отстал и у брата вашего у отца своего Магмед-Гирея царя дела нашего бережешь, а нам дружбу свою чинишь, а и отец твой брат наш Магмед-Гирей царь к нам о том писал же. — Князь великий велел тебе говорити; и мы к брату своему ко отцу твоему и к вам послали своего ближнего человека Останю Ондреева, а писали есмя к тебе в своей грамоте, чтоб еси и вперед на своей правде крепко стоял и другу бы еси нашему прямо друг был, а недругу нашему прямо недруг был, и лихих бы еси людей речей не слушал и от нашего бы еси недруга от литовского прямо отстал и у брата бы еси у нашего у отца своего нашего дела берег, а нам дружбу свою чинил, и отцу бы еси своему брату нашему говорил, чтоб брат наш отец твой наши дела делал о всем по тому, как есмя к нему писали в своей грамоте с своим ближним человеком с Останею с Ондреевым. — Князь великий велел тебе говорити: и как до брата нашего до отца твоего доехал наш [581] ближней человек Останя Ондреев, и брат наш отец твой наше дело сделал, а вашею к нам дружбою, ино то царевиичь делаешь гораздо, что еси другу нашему прямо друг, а недругу нашему прямо недруг, и от нашего еси недруга от литовского прямо отстал и у брата нашего у отца своего дела нашего бережешь, а нам дружбу свою чинишь, и ты б и вперед на своей правде крепко стоял и другу бы еси нашему прямо друг был, а недругу нашему прямо недруг был, и на всех бы еси отца своего недругов и наших был с нами заодин. А мы как наперед того к тебе дружбу свою держали и добро свое чинили, так и ныне и вперед с тобою в дружбе хотим быти и добра брата своего отца твоего и твоего везде хотим смотрити и дела брата своего отца твоего и твоего везде хотим беречи и делати, сколко нам Бог поможет, и к тебе дружбу свою и свыше хотим держати, сколко нам Бог поможет.

А се говорити от великого князя князю Юрью Дмитреевичу Пронскому Багатырю царевичю, толко Аппак князь пойдет к великому князю, а шертные грамоты царь с ним не пошлет, а Илья бы Челищев и Останя туто жь были. — Князь великий Василей Иванович всея Русии тебе брату своему Багатырю царевичю велел поклонитися. Князь великий Василей Иванович всей Русии тебя брата своего Багатыря царевича велел о здоровье вспросити. А опосле того поминки подати по записи, а опосле поминков речь говорити. Князь великий велел тебе говорити ⁶⁷…. Князь великий велел тебе говорити: и как до брата нашего до отца твоего доехал наш ближней человек Останя Ондреевь и брат наш отец твой Магмед-Гирей царь послал к нам своего болшего посла доброго человека Аппака князя, а нашего дела не сделал по тому, как есми к нему насади в своей грамоте с своим ближним человеком с Останею с Ондреевым. — Князь великий велел тебе говорила; и ты б царевич памятовал к нам первую свою правду и ныне бы еси и вперед на своей правде крепко стоял и другу бы еси нашему прямо друг был, а недругу нашему прямо недруг был, и на всех бы еси отца своего и наших недругов был с нами заодин и лихих бы еси людей речей не слушал и от нашего бы еси недруга от литовского прямо отстал и у брата бы еси нашего у отца своего дела нашего берег, а нам дружбу свою чинил, и брату бы еси нашему отцу своему говорил, чтоб брат наш, отец твой, дела наши поделал о всем по тому, как есмя к нему писали в своих грамотах с своим ближним человеком с Останею с Ондреевым и как есмя к нему ныне приказали с своим боярином со князем Юрьем Дмитреевичем с [582] Пронским. А мы как наперед того к тебе дружбу свою держали и добро свое чинили, так и ныне и, вперед в дружбе с тобою хотим быти и добра брата своего отца твоего и твоего везде хотим смотрити и дела брата своего отца твоего и твоего везде хотим беречи и делати сколко нам Бог поможет и к тебе дружбу свою и свыше хотим чинити, сколко нам Бог поможет.

А се говорити от великого князя князю Юрью Дмитреевичю Пронскому Алпу царевичю, толко Аппак князь пойдет к великому князю и грамоту шертную повезет, а Илья бы Челищев и Останя туто жь были. — Князь великий Василей Ивановича всея Руси велел тебе поклонитися. Князь великий Василей Иванович всея Русии велел тебя о здоровье вспросити. А опосле того поминки подати по записи, а опосле поминков речь говорити. Князь великий велел тебе говорити: прислал к нам брат наш отец твой Магмед-Гирей царь посла своего Кудояр мурзу, а с ним вместе отпустил к нам нашего ближнего человека Илью Челищева; а писал к нам брат наш Магмед-Гирей царь в своей грамоте, что на нашего недруга на литовского землю послал тебя сына своего Алп-царевича со многою ратью, а ты, нам дружбу свою чинячи, пошел на нашего недруга на литовского землю, а и наши люди нам сказывали, что ты нам дружбу свою чинишь и на нашего еси недруга на литовского землю ходил и недругу нашему литовскому недружбу доводишь и у брата нашего у отца своего дела нашего бережешь, а нам дружбу свою чинишь. — Князь великий велел тебе говорити: и мы к брату своему ко отцу твоему да и к вам послали своего ближнего человека Останю Ондреева. А писали есмя к тебе в своей грамоте, чтоб еси у брата нашего у отца своего дела нашего берег, а нам дружбу свою чинил, и брату бы еси нашему отцу своему говорил, чтоб брат наш отец твой дело наше сделал о всем по тому, как есмя писали в своей грамоте с своим ближним человеком с Останею с Ондреевым, а нам бы еси дружбу свою чинил. — Князь великий велел тебе говорити: и как до брата нашего до отца твоего доехал наш ближней человек Останя Ондреев, и брат наш отец твой дело наше сделал, а вашею к нам дружбою, ино то царевичь делаешь гораздо, что у брата нашего у отца своего дела нашего бережешь, а нам дружбу свою чинишь, я другу оси нашему прямо друг, а недругу нашему прямо недруг, и на нашего недруга на литовского землю ходишь и нашему и своему недругу литовскому недружбу доводишь, и ты б и вперед царевичь на своей правде крепко стоял и другу б еси нашему прямо друг был, а недругу вашему прямо недруг был, и на нашего б еси недруга литовского землю ходил и недругу бы еси нашему литовскому недружбу доводил и у брата бы еси нашего [583] у отца своего у Магмед-Гирея царя дела нашего берег, а нам дружбу свою чинил. А мы как наперед того к тебе дружбу свою держали и добро свое чинили, так и ныне и вперед к тебе дружбу свою хотим держати и добро свое чинити и свыше, и добра брата своего, отца твоего, Магмед-Гиреева царева и твоего везде хотим смотрити и дела брата своего, отца твоего, и твоего везде хотим беречи и делати, сколко нам Бог поможет.

А се говорити от великого князя князю Юрью Дмитреевичу Пронскому Алпу царевичю, толко Аппак князь пойдет, а грамоты шертные не повезет, а Илья бы Челищев и Останя Ондреев туто ж были. — Князь великий Василей Иванович всея Руси велел тебе поклонитись. Князь великий Василей Иванович всея Русии велел тебя о здоровье вспросити. А опосле поминки подати по записи, а опосле того речь говорити. Князь великий велел тебе говорити: прислал к нам брат наш отец твой Магмед-Гирей царь посла своего Кудояр-мурзу, а с ним вместе отпустил к нам вашего ближнего человека Илью Челищева. А писал к нам ⁶⁸.... Князь великий вслед тебе говорити: и как до брата нашего до отца твоего доехал наш ближней человек Останя Ондреев, и брат наш, отец твой, дела нашего не сделал по тому, как есмя к нему писали с своим ближним человеком с Останею с Ондреевым. — Князь великий велел тебе говорити: и что на нашего недруга на литовского землю ходишь и недружбу нашему недругу литовскому гораздо доводишь, а нам дружбу свою чинишь, ино то царевичь делаешь гораздо. И ты б, царевичь, и вперед на своей правде крепко стоял и другу бы еси нашему прямо друг был, а недругу нашему прямо недруг был, и на нашего бы еси недруга на литовского землю ходил и ему недружбу свою чинил и у брата бы еси у нашего у отца своего дела нашего берег, а нам дружбу свою чинил, и брату бы еси нашему отцу своему Магмед-Гирею царю говорил, чтоб брат наш отец твой дела наши все сделал по тому, как есмя к нему писали в своих грамотах с своим ближним человеком с Останею с Ондреевым и как есмя ныне к нему приказали с своим боярином со князем Юрьем Дмитреевичем Пронским. А мы как наперед того к тебе дружбу свою держали и добро свое чинили, так и ныне и вперед к тебе дружбу свою хотим держати и добро свое чинити и свыше и добра брата своего, отца твоего, и твоего везде хотим смотрити и дела брата своего, отца твоего, и твоего везде хотим беречи и делати, сколко вам Бог поможет.

А се говорити от великого князя князю Юрью Дмитреевичу [584] Пронскому, а Илья бы и Останя туто же были, Гемметю царевичю. — Князь великий Василей Ивановичь всея Русии велел тебе поклонитися. Князь великий Василей Ивановичь всея Руси велел тебя о здоровье вспросити. Князь великий велел тебе говорити: прислал еси к нам вместе с брата нашего с Магмед-Гиреевым послом с Кудояром и со отца своего человеком с Олло-Бердеем своего человека Амер-афыза, а в грамоте в своей писал еси к нам, что с братом нашим со отцом своим с Ахматом царевичем на своей правде крепко стоите и другу бы еси нашему прямо друг, а недругу нашему прямо недруг, и на нашего недруга на литовского землю ходишь и недругу нашему литовскому недружбу гораздо доводишь: ино то царевичь делаешь гораздо, что с братом нашим с отцом твоим с Ахматом царевичем на своей правде крепко стоите и другу есте нашему друг, а недругу нашему недруг, и нашему недругу литовскому недружбу доводишь, и ты б царевичь и вперед на своей правде крепко стоял и другу бы еси нашему прямо друг был, а недругу нашему прямо недруг был. А как еси наперед того нашего недруга литовского землю воевал, а нам дружбу свою чинил, так бы еси и ныне на того нашего недруга на литовского землю ходил и нашему бы еси недругу литовскому недружбу чинил, а нам бы еси дружбу свою чинил. А мы как наперед того к брату своему ко отцу твоему к Ахмату царевичю и к тебе к брата своего сыну, как и к своему сыну, дружбу свою держали и добро свое чинили, так и ныне и вперед к брату своему ко отцу твоему и к тебе дружбу свою хотим держати и добро свое чинити и добра отца твоего и твоего везде хотим смотрити и дела вашего хотим беречи и делати, сколко нам Бог поможет.

А се говорити от великого князя князю Юрью Дмитреевичю Пронскому Магмед-Гирееве цареве Нурун-царице. — Князь великий Василей Ивановичь всея Русии велел тебе поклонятись. Князь великий Василей Ивановичь всея Русии велел твое здоровье видети. Князь великий велел тебе говорити: сказывали нам наши люди, что еси, нам дружбу свою чинячи, нашему недругу литовскому сына своего не дала и у брата нашего у Магмед-Гирея царя дела нашего бережешь, а нам дружбу свою чинишь: ино то царица делаешь гораздо, и ты б и вперед у брата нашего у Магмед-Гирея царя дела нашего берегла, а нам дружбу свою чинила, и брату бы еси нашему Магмед-Гирею царю говорила, чтоб брат наш наши дела поделал все по тому, как есмя к нему писали в своей грамоте с своим ближним человеком с Останею с Ондреевым и как есмя ныне приказали к нему с своим боярином со князем с Юрьем. А мы как наперед того к тебе дружбу свою держали и добро [585] свое чинили, так и ныне и вперед к тебе дружбу свою хотим держати и добро свое чинити и свыше, сколко нам Бог поможет.

А се говорити от великого князя другой царице Магмед-Гирееве цареве Ханыке, также от великого князя князю Юрию поклон правити и о здоровье вспросити и речь говорити. — Князь великий велел тебе говорити, чтоб еси у брата нашего у Магмед-Гирея царя дела нашего берегла, а нам дружбу свою чинила, и брату бы еси нашему Магмед-Гирею царю говорила, чтоб брат наш дела наши поделал все по тому, как есмя к нему писали в своей грамоте с своим ближним человеком с Останею с Ондреевым и как есмя ныне приказали к нему с своим боярином со князем Юрьем, а мы к тебе вперед дружбу свою хотим держати и свыше и добро свое чинити, сколко нам Бог поможет.

А се говорити от великого князя князю Юрию Аппаку князю, толко не пойдет к великому князю, а Илья бы и Останя туто жь были. — Князь великий велел тебе говорити: как еси наперед того у царя дела нашего берег, а нам служил, так бы еси и ныне у брата нашего у Магмед-Гирея царя дела нашего берег, а как служил, и брату бы еси нашему Магмед-Гирею царю говорил, чтоб брат наш наши дела поделал все по тому, как есмя к нему шисали в своей грамоте с своим ближним человеком с Останею с Ондреевым, и сам бы ся еси у него к нам просил, чтоб тебя к нам отпустил не мотчая, а мы к тебе вперед жалованье свое и свыше хотим держати.

А ее говорити от великого князя Агишу князю Юрию Пронскому, а Илья бы и Останя туто жь были. — Князь великий велел тебе говорити: наперед того еси наше жалованье памятовал, а нам служил, у брата еси нашего у Магмед-Гирея царя дела нашего берег, а нам служил, а ныне еси позабыв нашего к себе жалованья ездил еси к нашего недруга к литовского послу и дело еси делал нашего недруга литовского, а сын твой Токузак мурза приходил воевати на наши украйны. И ты б Агиш ныне наше жалованье попамятовал и от того бы еси от недоброго дела отстал, а нам бы еси и ныне служил прямо и у брата бы еси нашего у Магмед-Гирея царя и ныне дела нашего берег, а нам служил, и учнешь нам служити и дела нашего беречи у брата нашего у Магмед-Гирея царя, и мы к тебе вперед и свыше свое жалованье хотим держати.

А се речь Халилю князю. Говорити от великого князя Халилю князю князю Юрию Дмитреевичю Пронскому, а Илья бы и Останя туто жь были. — Князь великий велел тебе говорити: сказывал нам наш человек Илья Челищев, что наше жалованье к себе памятуешь и дела нашего у брата [586] нашего у Магмед-Гирея царя бережешь, а нам служишь, и ты б и вперед наше жалованье к себе памятовал и у брата бы еси нашего у Магмед-Гирея царя дела нашего берег а нам служил, а мы к тебе и вперед свое жалованье и свыше хотим держати.

А Тевекель-мурзе и Ахметь-Паше Кулюкову и Бахтеяр-мурзе говорити от великого князя князю Юрию Дмитреевичю Пронскому, а Илья бы и Останя туто жь были. — Князь великий велел тебе говорити: как еси наперед того у брата нашего у Магмед-Гирея царя дела нашего берег, а нал служил, и ты б и ныне у брата нашего у Магмед-Гирея царя дела нашего берег, а нам служил, а мы как наперед того к тебе жалованье свое держали, так и ныне и вперед к тебе жалованье свое хотим держати.

III. А се память такова дана князю Юрью Дмитреевичю Пронскому. — Память князю Юрью Дмитреевичю Пронскому. Как ож даст Бог приедет в Крым и кто его встретит от царя на дорозе, да что ему приведет от царя или привезет, и ему то взяти, да дати ему тем царевым людем от себя что будет попригожу по тому жь, как прежние послы великого князя тем царевым людем на встрече что давывали, которые бывали у царя до Василья до Наумова и до Костянтина до Заболотцкого. А нечто у князя у Юрья учнут просити по тому жь, как им Василей Наумов давал, и как на Костянтине на Заболотцком имали, и как им Василей Поплевин давал, и как на Иване на Мамонове имали, и князю Юрью по тому им не давати, а говорити ему: как прежние послы государя нашего наша братья у царя бывали и честь царевым людем чинили на встрече, и яз ныне вам дам по тому же. Да однолично князю Юрью по тому им не давати, как им давал Василей Наумов, и как имали на Костянтине на Заболотцком, и как Василей Поплевин давал, и как на Иване на Мамонове имали, а дати им по тому, как прежние послы великого князя давали. А как приедет князь Юрьи в Крым и на подворье его поставят, и ему со царем обослатись кем пригоже по тому жь, как наперед того великого князя послы со царем обсылались, как ему велит царь у себя быти и речи ему от великого князя все ли велит царь передо всеми детми и князми говорити. Да и о поминкех ему велети царя вспросити, о девятных поминкех и о запросе и о иных поминкех, что с ним послано ко царю, как ему велит царь к себе поминки принести. И как велит царь князю Юрию быти у себя, и князю Юрью итти ко царю по его веленью и речи ему от великого князя говорити царю по записи, которые ему царь велит передо всеми детми и князми говорити и которые ему речи велит царь наедине говорити, и поминки ему являти царю по великого князя [587] записем, что царю послано по цареву же веленью, которые ему велит царь передо всеми людми являти и которые ему царь велит послати к себе тайно. А как пойдет князь Юрьи ко царю, и которые князи его встретят да нечто учнут ему говорити о какове о пошлинном деле и князю Юрью у князей тех речей не слушати и по тому ему не делати что ему кто учнет говорити о пошлинах, а итти ему прямо ко царю по тому ж, как наперед того великого князя послы ко царю хаживали, а пошлин никоторых не бывало. А нечто учнут у князя у Юрья которые пошлины просити, и князю Юрью в пошлину никому ничего однолично не дати опричь того что с ним к кому послано от великого князя в поминкех или что кому от себя даст за его добро а не в пошлину, а в пошлину ему однолично ни царю ни царевичем ни князем ни царевым людем ни царевичевым ни иному никому ничего не давати, или батог покинуть; а учнут пошлины просити, ино однолично пошлины не давати, а итти прямо ко царю, или у дверей учнут пошлины просяти, ино однолично не давати в пошлину ничего, хоти будет и назад итти, толко не мочно царя доити, ино назад итти, а пошлины никак не дати. А нечто учнут в Орде князю Юрию какову силу чинити, а к великому князю Аппак князь поедет и шертную грамоту к великому князю царь с ним пошлет и правду царь на той грамоте учинит, и князю Юрью тогды говорити царю: царь господина, послал еси к брату своему к нашему государю своего болшего посла доброго человека Аппака князя и грамоту еси шертную с ним ко государю нашему послал и правду еси на той грамоте учинил с своим братом с Ахматом царевичем и с своею братьею и с своими детми и с уланы и со князми, и в той, господине, грамоте написано, что послу государя нашего брата, твоего, итти прямо к тебе, а пошлинам никоторым, ни силе над его послы и над людми никак не быта и грабежу а нечти от тебя от царя и от твоей братьи и от твоих детей от царевичев и от иных царевичев и от сеитев и от уланов а князей я от всех твоих людей никоторому никак не быти; а ныне над государя нашего над брата твоего послом надо мною такова нечесть и соромота чинится, и ты б, господине царь, свою правду попамятовал и государю нашему по тому и правил, как еси ему правду учинил, а силы бы еси господине и нечти надо мною и над людми государя нашего чинити не велел и пошлин бы еси никоторых имати не велел, чтоб вперед государя нашего послом и людем лзе к тебе ходите безо всякого опасу. А учнет, господине, над государя нашего послы и над людми от тебя и от твоей братьи и от твоих детей и от твоих людей сила и нечесть чинитись, ино, господине, вперед государя нашего послом к тебе как ходити? Да в пошлину князю Юрию [588] однолично ничего не давати, а говорити ему о том по великого князя наказу накрепко. А нечто пойдет не Аппак к великому князю, а великой же царев человек, и шертную грамоту к великому князю царь с ним пошлет и правду на ней царь учинил, а нечто князю Юрью в Крыму какова нечесть учнет чинитись, и князю Юрью о том по тому жь говорити и по великого князя наказу. А нечто пойдет к великому князю Аппак князь, а шертные грамоты царь к великому князю с ним не пошлет, а также нечто князю Юрью кавову учнут силу и нечесть чинити, и князю Юрью говорити: царь господине, наперед сего писал ты к нашему государю в своих грамотах и не одинова с своими послы и с гонцы, да и словом еси с своими послы к нашему государю приказывал, чтоб государь наш, брат твой, послал к тебе своего болшего посла доброго своего человека, а писал еси в своих грамотах свои крепкие слова, что брата твоего государя нашего послу притти к тебе доброволно безо всякие зацепки, а силы ему и нечти от тебя и от твоей братьи и от твоих детей и ото всех твоих людей никак не быти. А и ныне еси господине писал в своей грамоте с своим послом с Кудояр-мурзою к нашему государю, что по нашего Пророка, иже от Бога сведетельствованного правости, которого своего человека ты брат наш пошлешь к нам, и мы его болши десяти ден у себя не задержим и силы над твоим послом и нечти никак не быти от меня и от моих детей и от моих людей. Так еси писал ко государю нашему в своей грамоте, да и словом от тебя посол твой Кудояр-мурза государю нашему говорил, что государя нашего послу притти к тебе доброволно и силе над ним и нечти от тебя и от твоих детей и от твоих людей никак не быти. И государь наш, господине, по тем твоим грамотам и по твоему приказу, что еси писал к нему такие своя крепкие слова и приказывал с своими послы, послал меня к тебе, и через тот, господине, твой крепкой приказ и через твои грамоты такая сила и нечесть надо мною чинится. И ты б, господине царь, попамятовал свой приказ, как еси ко государю нашему приказывал с своими послы и в грамотах в своих писал свои крепкие слова — силы бы господине и нечти надомною и над людми государя нашего чинити не велел, и пошлин бы еси господине никоторых имати на нас не велел, чтоб вперед государя нашего послом и людем лзе к тебе ходити безо всякого опасу. А учнет, господине, над государя нашего послы и над людми от тебя и от твоей братьи и от твоих детей и от твоих людей сила и нечесть чинитись, ино господине вперед государя нашего послов к тебе как ходити? Да говорити о том накрепко, по великого князя, наказу. А велит царь у себя быти князю Юрью наедине и речи велит себе [589] говорити, а у себя тут велит быти сыну своему Багатырю царевичю да князем Агышу князю, Бахтеяр-мурзе, Халилю князю, или кому иному велит царь у себя быти тое стороны, которые служат великому князю, а Ад-Рахмана и Ад-Рахмановы стороны тут у царя не будет никого, а велит царь князю Юрью говорити себе все речи наказные великого князя, и князю Юрью царю речи все перед теми говорити. А велит у себя царь быти Ад-Рахману или кому иному Ад-Рахмановы стороны, которые с Од-Рахманом в его стороне, и князю Юрью ся у царя отговаривати, чтоб ему перед Ад-Рахманом или кто иной будет его стороны — речей не говорити. А не взможет того у царя отговорити, чтоб ему перед Ад-Рахманом речи не говорити, и ему царю речи и перед Ад-Рахманом говорити, или кто будет иной его стороны явные; а о Асторокани ему и о Литовском деле у царя поотговаривати, чтоб перед Ад-Рахманом не говорити, а отговариватись о том по великого князя наказу, а не отговорится, ино и те речи говорити. А велит царь князю Юрию быти у себя, а у него будет брат его Ахмат царевич и дети его Багатырь и Алп и князи все, а Ад-Рахману велит царь туто жь быти, а велит царь князю Юрью речи говорити все перед теми, и князю Юрью тогды не отговариватись, а говорити царю речи по великого князя наказу, а о Асторокани и о литовском речей не говорити перед Ад-Рахманом, а говорити царю наедине, перед кем царь велит, а не взможет ся отговорити, ино и те говорити.

А что послано со князем с Юрьем ко царю поминков девятных и запросных, и ко царевичем и ко царицам и ко князем, и князю Юрью дан тому список, что кому послано, да в записи жь ему в поминочной написано, где ему та казна оставити, а самому ехати в Путивль, и князю Юрью та казна оставите по записи по великого князя наказу, а самому ему итти в Путивль, да быти ему в Путивле. И придет в Путивль из Крыма от царя Аппак князь, а Останя Ондреев но великого князя наказу с ним пошлет к великому князю великого князя татар, а с ними пошлет Останя к великому князю грамоту, да и ко князю ко Юрью пришлет грамоту или и сам Останя поедет к великому князю, и князю Юрью великого князя грамота роспечатати, да ее прочести, а прочести та грамота Останина, что пошлет к великому князю, князю Юрию себе, да у него бы был Илья Челищев, а иной бы того у них не ведал никто, ни подьячей, ни толмач. А и Останя поедет, и князю Юрию Остани выпросити себе жь, да тут бы у него был Илья же, а иной бы того у них не ведал никто. А поедет Останя сам, и князю Юрью Остани самого выпросите о всем о тамошнем деле подлинно. А поедет Илья в Крым от князя от [590] Юрья, а Останя приедет или грамоту пришлет без Ильи, ино грамота прочести Останина и Остани вьшросити князю Юрью себе одному, а иной бы того у него не ведал никто. И скажет сам Останя или напишет Останя в грамоте к великому князю, что царь Аппака князя послал к великому князю и грамоту шертную велел написати с того списка слово в слово, каков список послал князь великий с Останею, и правду царь на той грамоте учинил перед Аппаком, а Останя то видел, почен сам собою в головах и с своим братом с Ахматом царевичем и с своею братьею и с детми и с уланы и со князми и ту грамоту шертную послал к великому князю с Аппаком князем, и придет Аппак в Путивль, и князю Юрью с Аппаком видевся в Путивле, да Аппак поедет к великому князю, а князю Юрью тогды, взем Бога на помощь, ехати в Крым, ко царю со всеми поминки. Да как, аж даст Бог, придет в Крым, и ему со царем обослатись, как ему велит царь у себя быти, да и о поминкех ему со царем обослатись по записи, как у него в памяти написано. А как будет у царя, и ему царю речи говорити по записи по той, на которой у не: о записи помечено: пойдет Аппак к великому князю и грамоту шертную повезет с того списка слово в слово, каков список послал князь великий с Останею. Да и царевичем ему Ахмату и иным царевичем и царицам и князем речи говорити и поминки подати по записи жь и дело ему великого князя у царя делати по великого князя наказу. А пойдет Аппак к великому князю, а напишет Останя грамоту к великому князю с великого князя татары или и сам Останя поедет, и князю Юрью грамота чести и Остани выпросити самому, да с ним Илье Челищеву, а иной бы у них того не ведал никто. Да скажет князю Юрью Останя, что царь Аппака к великому князю послал, а грамоты шертные царь с того списка, каков список послан с Останею с Ондреевым, написати не велел, и правды царь почен сам собою в головах и с своим братом с Ахматом царевичем и с своею братьею и с детми и с уланы и со князми не учинил, а хочет грамоту написати и правду учинити перед князем Юрьем и грамоту хочет дати князю Юрью, и князю Юрью и тогды к великому князю о том отписати часа того, а самому ему, видевся с Аппаком в Путивле, да ехати в Крым ко царю со всеми жь поминки. Да как ему велит царь у себя быти, и ему итти ко царю, да говорити ему царю речи по той записи, на которой у него записи помечено: пойдет Аппак князь к великому князю, а грамоты шертные от царя к великому князю не повезет, и делати ему дело великого князя у царя по великого князя наказу. Да тогды князю Юрью говорити Ахмату царевичу и Багатырю царевичю и Алпу царевичю и иным [591] царевичем и князем Агишу князю, Бахтеяр-мурзе, Халилю князю и иным князем и мурзам тем, которые великому князю служат, да царицам ему тогды говорити, Нурун-царице и Ханыке-царице, чтоб и царицы царю говорю и, чтоб царь с великим князем учинился в крепкой в дружбе и в братстве и от литовского бы прямо отстал и грамоту бы свою шертную вслед написати с того списка слово в слово, каков список послал к нему князь великий с Останею с Ондреевым и каков ныне список послан со князем Юрием, и правду бы царь за той грамоте учинил почен сам собою в головах и с своим братом с Ахматом царевичем и с Багатыр-царевичем и с Алпом царевичем и с Гемметем царевичем и с иными царевичи и с уланы и со князми, и ту бы свою шертную грамоту послал со князем Юрием к великому князю. И самому князю Юрью у царя проситись, чтоб его отпустил к великому князю не издержав. И как, господине, буду яз у своего государя с твоею шертною грамотою, и государь наш тебе правду учинит перед твоим послом перед Аппаком князем. И испросит царь: и Аппака князя брат наш как к нам отпустит? И князю Юрью молвити: как, господине, буду яз у своего государя у брата твоего с твоею шертною грамотою, и государь наш, господине, тогды к тебе Аппака отпустит, а докуды господине яз буду у своего государя, и яз чаю, что государю нашему Аппака к тебе не отпускивати, и ты господине царь делай дело брата своего государя нашего не мотчая, да меня отпусти к моему государю, и государь наш к тебе Аппака отпустит часа того. И вспросит царь: пошлет ли к нам брат наш с Аппаком своего посла? И князю Юрию молвити: коли, господине, яз буду у своего государя, и государь наш отпустит к тебе твоего посла Аппака, ино ему своего посла к тебе как не послати? И велит царь грамоту шертную писати, и князю Юрью беречи того накрепко, чтоб та шертная была грамота написана с того списка слово в слово, каков список послан с Останею ко царю и каков список ныне дан князю Юрью, а ни прибавки бы, ни убавки в шертной грамоте перед тем списком не было. А нечто похочет царь в ту грамоту что прибавити или что из нее убавити перед тем списком, и князю Юрью говорити царю: царь господине, чтоб еси грамоту шертную велел написати с того списка слово в слово, каков список дослал к тебе государь наш с своим ближним человеком с Останею с Ондреевым и ныне каков список послал к тебе государь мой со много. А толко господине велишь грамоту написати не с тех списков слово в слово, что в ту грамоту велишь прибавити, или что велишь из нее убавити, и пошлешь господине ту свою шертную [592] грамоту со мною к моему государю, и та, господине, грамота государю нашему будет не люба, и ты бы господине грамоту шертную велел писати с тех списков слово в слово, каков список послал к тебе государь мой с своим ближним человеком с Останею с Ондреевым, и ныне каков список послал государь мой со мною, а ни прибавки бы, ни убавки перед теми списки не было, и та грамота, господине, государю нашему будет люба. Да говорити о том князю Юрью о всем и беречи того накрепко по великого князя наказу. А взмолвит царь князю Юрью; яз к брату своему к великому князю послал свою шертную грамоту с того списка слово в слово, каков список прислал ко мне брат мой князь великий с своим ближним человеком с Останею с Ондреевым, и брат мой князь великий учинит ли мне правду перед моим послом и даст ли мне свою какову грамоту, какова была его грамота у отца у моего у Менли-Гирея царя? Или хоти царь Аппака к великому князю пошлет, а грамоты с ним шертные к великому князю не пошлет, а учнет давати грамоту шертную князю Юрью, а, даючи ему грамоту, учнет то ж говорити, и князю Юрью ему говорити: как, господине, аж даст Бог, будет у нашего государя твой доброй человек Аппак князь и с твоею шертною грамотою, а даст князю Юрью грамоту, ино про себя молвити: как буду яз у своего государя с твоею шертною грамотою, и государь наш, господине, тогды к тебе правду учинит перед твоим послом перед Аппаком князем, и грамоту, господине, государь наш к тебе какову даст, какова была его грамота у отца у твоего Менли-Гирея царя. И похочет царь у князя у Юрья на том правды, что князь великий ему правду учинит и грамоту ему какову даст, какова была грамота великого князя у Менли-Гирея царя, и князю Юрью на том царю и правда дати, что как будет у великого князя царев посол Аппак князь с шертною грамотою, и князь великий перед Аппакам царю правду даст и грамоту какову пошлет, какова была грамота у Менли-Гирея царя. А нечто учнет царь князю Юрью давати список не таков, какова была грамота у Менли-Гирея царя, а учнет говорити: даст ли мне князь великий какову грамоту с того списка, да и правду на том у князя у Юрья похочет, чтоб ему какову грамоту дал князь великий с того списка слово в слово, и князю Юрью у царя список взяти, а молвити ему: яз, господине, список возьму да довезу до своего государя, а то, господине, ведает государь мой князь великий, даст ли какову тебе грамоту. А правды на том однолично не давати, а отговариватись о том по великого князя наказу. А нечто царь Аппака к великому князю не пошлет, а пошлет к великому князю кого иного доброго жь человека в Аппакову версту или и лучше Аппака или мало поменши Аппака, [593] а Останя дошлет грамоту к великому князю, и князю Юрью та грамота также роспечатати, да прочести; или сам Останя поедет, я князю Юрью его о всем вы просити (sic) про тамошнее дело подлинно, или сам не поедет, а напишет Остня из грамоте к великому князю, что послал царь к великому князю своего болшего посла, кого именем напишет, и грамоту свою шертную с ним к великому князю послал написав с того списка слово в слово, каков список послан с Останею с Ондреевым, и правду царь на той грамоте учинил почен сам собою в головах и с своим братом с Ахматом царевичем и с своею братьею и с детми и с уланы и со князми, и князю Юрию видевся с тем со царевым послом в Путивле, кого царь пошлет к великому князю, да царев посол пойдет из Путивля к великому князю, а князю Юрию тогды о том к великому князю отписати, а самому ему не мотчая итти в Крым со всеми поминки. Да как ож даст Бог будет у царя, и ему царю речь говорити та жь, на которой записи у него помечено, что пойдет Аппак к великому князю и грамоту шертную повезет. Да у царя ему дело великого князя делати по великого князя наказу и проситися у царя к великому князю по великого же князя наказу. А нечто пойдет к великому князю от царя хоти и великой человек, а не Аппак, а напишет Останя в грамоте к великому князю или сам поедет, да скажет что царь шертные грамоты с тем своим послом не послал и правды царь там не учинил, и князю Юрию тогды из Путивля ко царю не ездити, а обослатися о том с великим князем наборзе часа того, а быти ему в Путивле, а без великого князя ведома из Путивля никуды не ехати.

А вспросит царь князя Юрия: как ныне князь великий с литовским, и князю Юрию говорити: царь господине, ведаешь сам, от колких лет государь наш с своим недругом с литовским почал свое дело делати, так и ныне делает и вперед хочет с ним свое дело делати. А в речи есми, господине, тебе от своего государя говорил, что государь наш с тобою с братом своим на всех твоих и своих недругов хочет быти заодин, и на литовского, господине, государь наш хочет с тобою быти заодин и дело твое и свое хочет с литовским делати с тобою с братом своим заодин, сколко ему Бог поможет. И нечто вспросит царь князя Юрья: а помиритись хочет ли князь великий с литовским, и князю Юрью говорити: яз, господине, того не слышел, чтоб государь наш с королем хотел миритись, а как, господине, государю нашему с королем миритись: как с ним почел государь наш свое дело делати, так и ныне делает и вперед с ним хочет свое дело делати. А ведаешь господине царь и сам какие дела меж государя нашего и короля полевого ссталися, и государю [594] нашему как с королем помиритися. И взмолвит царь: а пришлет король к великому князю, а захочет с ним помиритись, и князь великий с ним не помиритлися, и князю Юрию говорити: царь господине, ведаешь и сам какие дела меж государя нашего и короля остались, ино меж их как миру сстатиси; да и в посолстве есми тебе от своего государя говорил, что государь наш как почал с ним свое дело делати, так и делает, и хочет с ним твое и свое дело делати с тобою с братом своим заодин. И взмолвит царь: дай же ты мне на том правду, что великому князю с литовским не помиритись. И князю Юрию говорити: царь господине, мне на том правда как давати, ведает Бог да вы государи: то, господине, ведаю, что государь мой миру с королем не хочет, а что ми, господине, не написано государем моим, и мне на том правда как давати? Да отговариватись о том князю Юрью по великого князя наказу, а правды на том царю однолично не давати. А вспросят князя Юрья царь или царевич которой или князь: как воеводы великого князя сего лета ходили в Литовскую землю, и князю Юрию дана тому запись, и говорити ему по той записи. А нечто вспросит князя Юрья царь: писал яз к брату своему к великому князю о Азтороканском деде, да о Киевском и о Черкасех, чтоб нам на Азторокань и на Киев и на Черкасы пособь учинил, и ты мне от брата моего и в речи говорил, что брат наш на наших недругов хочет с нами быти заодин, и брат мой князь великий на сей весне на Азторокань пособь мне учинит ли и князю Юрью говорити: царь господине, и в речи есми тебе от своего государя говорил, что государь наш с тобою с братом своим на всех твоих и своих недругов хочет быти заодин, а на ахматовых детей и на махмутовых и на Азторокан с тобою с братом своим хочет на них везде быти заодин. А пошлешь господине рать свою на Азторокан, и государь ваш пособь тебе на Азторокань учинит. А как господине будет у государя нашего твой посол Аппак князь, и государь мой господине о тех твоих о всех делех хочет переговорити с твоим послом с Оппаком князем и к тебе с ним всю свою мысль отвяжет как ему твое дело Азтороканское делати. И нечто царь взмолвит о Киевском деле: писал яз к брату своему к великому князю чтоб мне на Киев пособь учинил, и брат мой на Киев хочет ли мне пособь учинити? И князю Юрью говорити: царь господине и в речи есми тебе от своего государя говорил что государь наш на всех твоих недругов хочет с тобою с братом своим быти на них заодин. А ведаешь, господине, сам, от колких лет государь наш с тем своим недругом с литовским как почал с ним свое дело делати, так и ныне делает, и вперед с ним хочет свое дело делати с тобою [595] заодин. А ждет, господине, государь ваш к себе твоего посла Аппака; а как, господине, будет у него посол твой Аппак, и он, господине, о тех о всех делех переговорит с твоим послом с Аппаком, да к тебе с ним откажет свою мысль. И умнет царь князю Юрию о том говорити, чтоб ему князь Юрий дал на том правду, что великому князю на Азторокань и на литовского на сей весне пособь учинити, и князю Юрию и Илье на том царю правды не давати, а говорити им: царь господине, и в посолстве есмя тебе от своего государя говорили, что государь наш на всех твоих недругов хочет с тобою быта заодин, и нам, господине, на чем на том тебе правда давати: прикажешь, господине, ко государю нашему, как ему с тобою свое и твое дело делати, ино, господине, государь наш ведает, как учнет с тем своим недругом свое и твое дело делати и мысль свою к тебе откажет. Да правды им царю на том одно лично не давати, а говорити им о том царю по великого князя наказу. Да пытати князю Юрию и Илье, там будучи, как Магмед-Гирей царь с литовским и с волошским и с турским и с угорским, и как турской с угорским и с волошским и с литовским, и как водошской с литовским и с турским, и где ныне турской, и что его дело, и как ныне с Кизылбашем турской, да и о всем ему о тамошнем деле пытати подлинно и про все им про тамошнее дело пытати подлинно. А вопросят князя Юрия царь или царевичь или князь которой: ныне послы от Максимьяна у великого князя, ино о каком деле пришли те послы от Максимьяна? И князю Юрию говорити: послы у государя нашего у великого князя от Максимьяна есть, а того есмя не слышели, о каком деле они пришли; а как учинился государь наш с Максимьяном в дружбе и в братстве, и послы меж их ходят беспрестанно на обе стороны их здоровье видети.

А нечто на дорозе пришлет из Ислама ко князю к Юрью Адрахман-князя, а учнет его звати к себе в Ислам, или иной кто будет в Исламе, а учнет его к себе звати в Ислам, чтоб к нему поехал в Ислам, а похочет его чтити, и князю Юрью в Ислам к Адрахману князю, ни к иному ни к кому однолично никак не ехати, а ехати ему прямо в Крым. А как ож даст Бог приедет в Крым, и нечто князя Юрья похотят поставяти на подворье у которого князя или у мурзы или у иного у какова у великого человека или у ближнего у царева человека или и у Аппака велят ему стати на подворье, и князю Юрью однолично у князя ни у которого, ни у ближнего ни у какова человека ни у мурзы никак не стати, ни у Аппака ему однолично не стати, а просити ему себе опричнего двора по тому жь, как давывали наперед того иным великого князя послом, а говорити о том по великого [596] князя наказу. А нечто взмолвит царь или царевичь князю Юрью: дай ты нам правду на том, что великому князю посылати к нам поминки вперед по тому жь, как к вам посылает поминки литовской; или на том похотят правды: дай ты нам правду на том, что великому князю посылати нам поминки вперед по тому жь, как к вам ныне князь велики прислал свои поминки с тобою, или сколко, сколко послал к нам с Иваном с Мамоновым. И князю Юрью говорити царь господине, как мне на том правда дати: то, господине, ведает государь мой, как к тебе учнет посылати вперед свои поминки, а ныне, господине, государь мой послал к тебе сколко своих поминков потому, что господине ты писал в своих грамотах о которых поминкех что тебе надобе, и государь мой, господине, потому к тебе и послал своих поминков сколко, а вперед, господине, государь мой ведает, как к тебе учнет посылати свои поминки. А будешь, господине, государю нашему прямо друг и брат и вперед к нему о чем прикажешь, а что ся у нашего государя лучит, и государь наш за то тебе не стоит, а мне, господине, на том правда как давати? Да отговариватись о том по великого князя наказу, а правды на том однолично никак не давати. Да беречи того князя Юрию накрепко: нечто придут послы от литовского ко царю, и похочет царь с королем делати, и князю Юрью беречи того накрепко и говорити о том царю накрепко, чтоб царь с литовским не мирился, а делал бы дело великого князя. Да и Ахмату ему царевичу говорити и Богатырю царевичу и Алпу царевичу и иным царевичем и царицам и князем и мурзам говорити, чтоб царю говорили, чтоб однолично царь с литовским не мирился, а делал бы дело великого князя. Да беречи ему того накрепко, чтоб однолично царь с литовским не помирился, а великого бы князя дело сделал ранее не мотчая, как ни иметца. Да однолично беречи того накрепко по великого князя наказу, да беречи сее памяти накрепко, чтоб ее не слыхал никто опричь Ильи и Остани, три бы их и ведали, а иной бы того у них не слыхал никто.

А се память другая князю Юрью, которой царевичь или князь великому князю правды не учинил. — Память князю Юрью Дмитреевичю Пронскому. Приедет в Крым, а царь дело великого князя поделал, грамоту шертную велел написати с того списка, каков список послал князь великий с Останею, и правду на ней учинил почен сам собою в головах и с своим братом с Ахматом царевичем и с братьею и с детми, и Аппака князя послал к великому князю и грамоту свою шертную с ним к великому князю послал же. А которой будет царевичь молодой или князь или мурза или которой ближней царев человек на той [597] грамоте правды не учинил, и князю Юрью тому царевичу или князю или мурзе или цареву ближнему человеку от великого князя поминков не дати, а говорити ему царю: царь господине, послал еси к брату своему к великому князю своего болшего посла Аппака князя и грамоту еси свою шертную с ним ко государю к нашему послал, написав с того списка слово в слово, каков список государь наш послал к тебе с своим ближним человеком с Останею с Ондреевым, и правду еси на той грамоте учинил почен сам собою в головах и с своим братом с Охматом царевичем и с своими детми и с уланы и со князми, а тот, господине, царевичь или князь или мурза которой будет на той на твоей на шертной грамоте правды не учинил государю нашему, и ты б господине царь по своей правде и по своему крепкому слову и тому царевичю или князю или мурзе, которой будет правды не учинил, на той своей шертной грамоте правду велел учинити, чтоб государю вашему правду учинил по тому жь, как ты ко государю нашему на своей грамоте правду учинил. Да говорити князю Юрью о том накрепко, чтоб однолячно царевич или князь или мурза или царев ближней человек правду учинили и правили по той грамоте. А которой царевичь или князь или мурза или царев ближней человек правды не учинит, и князю Юрию тому от великого князя поминков не дати.

Да память князю Юрию Дмитреевичу Пронскому. Как, аж даст Бог, приедет в Крым, и ему дела великого князя все делати по великого князя наказу. И учнут дела великого князя делатись по великого князя наказу, а самому будет ему там ещо помотчати, и ему тогды к великому князю послати казаков великого князя, а отписати ему к великому князю о всем о тамошнем деле подлинно, как там у царя великого князя дело делается. А учнет отпущати казаков к великому князю, и ему то и царю сказати, и похочет царь послати человека, а нечто по грехом дело великого князя не по тому учнет делатися, как к нему князь великий приказывал, и нечто у них будет дурная на мысли, любо царь сам похочет поити на великого князя украйну или куды детей своих или братью свою похочет послати на великого князя украйну, и князю Юрью тогды как ни домышлятись, чтоб ему к великому князю весть послати — татарина ли великого князя, а будет нелзе татарина послати, и ему домышлятись полоняника послати или иного какова человека, а великого князя ему однолично без вести не держати, как бы ся ни домыслити, а однолично бы ся домыслити к великому князю весть послати, чтобы князь великий безвестен не был. Да ся им память учити до Путивля, да в Путивле им ся память изодрати. А нечто и вопросит царь князя Юрья: писал к брату моему к великому князю Аппак князь в [598] своей грамоте, что Магмед-Аминь царь болен, и из изготовив держу брата своего Сагип-Кирея царевича на тот юрт, и каково сстанется над Магмед- Аминем царем, и мы на том юрте Саип-Гирея царем учиним, и брат мой что с тобою о том к нам наказал ли? И князю Юрию говорити: царь господине, ведаешь сам, что на Казани Магмед Аминь царь, а со государем нашим в братстве и в дружбе и в докончанье, а ныне, дал Бог, здоров. И государь ваш, господине, о Казани со мною к тебе не наказал ничего. Да говорити о том по великого князя наказу. А вопросит царь князя Юрия: писал к брату моему к великому князю Аппак князь в своей грамоте, чтоб брат мой князь великий взял у меня себе сына, и брат мой о том с тобою ко мне что приказал ли? И князю Юрию говорити: царь господине, государю нашему брату твоему сына твоего к себе о чем не хотети взяти: государь наш, господине, твоему сыну рад, как и своему сыну, а ждет господине к себе государь наш твоего князя Аппака, и как господине будет у государя нашего твой посол Аппак князь, и государь наш о тех о всех делех переговорит с твоим послом с Оппаком князем, да к тебе свою мысль откажет с твоим князем с Аппаком. А вопросит князя Юрия Аппак князь: писал из к великому князю в своей грамоте, чтоб князь великий взял к себе у царя сына, и князь великий о том с тобою ко царю что приказал ли и к нам пак о том что приказал ли? И князю Юрию молвити: Аппак, государю нашему о чем не хотети взяти сына у брата своего у царя: государь наш рад брата своего цареву сыну как и своему сыну, да ждет государь наш к себе тебя, да о том деле хочет переговорити с тобою, да и о иных делех государь наш с тобою хочет переговорити, занже у государя нашего от брата от его доброй человек давно не бывал, и он с тобою хочет переговорити о всех делех, да с тобою к брату своему прикажет всю свою мысль.

Да память князю Юрию Дмитреевичу. нечто сведает у кого у царя или у царевича или у князя, у которого или у мурзы или у какова у царева человека ни будя полон великого князя сына боярского или и молодых людей какова человека, и князю Юрью говорити о том царю, чтоб царь тот полон великого князя сыскав весь послал к великому князю со князем Юрьев. А нечто учнут говорити, что князь великий не весь наш полон ко царю прислал, и князю Юрию говорити царю: коли, господине, ты государя нашего полон сыскав пошлешь к нашему государю, и которой господине твой полон будет у государя нашего, и государь наш, господине, тот твой полон также сыскав к тебе пошлет, а ты б, господине, ныне однолично тот полон государя нашего сыскав весь послал со мною к моему государю. [599]

А приедет Аппак князь в Путивль и видится со князем с Юрьем, да учнет князю Юрию говорити: приказал со мною царь к великому князю о том, и о том о чем учнет говорити, и что будет со князем с Юрьем приказано — а он ему то отмолвит: есть о том от моего государя ко царю наказ. А о чем учнет говорити, а со князем с Юрьем о том наказу нет, и князю Юрию молвити: о том со мною наказу нет ко царю. И нечто Аппак учнет говорити: обошлись о том с великим князем, и князю Юрию говорити: Аппак, поеди не мотчая ко государю моему, а яз еду ко царю также не мотчая, и коли будешь ты у нашего государя, и о тех делех ведает Бог да государь мой, а затем не мотчаем на обе стороны: ты ранее будешь у моего государя, а яз ранее буду у царя.

А се память о походе о литовском. Память князю Юрию Дмитреевичу Пронскому. Вспросит его царь или царевичь, или иной кто, что сего лета посылал князь великий в Литовскую землю, и князю Юрью говорити: посылал, господине, государь наш на своего недруга на литовского землю воевод своих от своей отчины от Ноугородцкие земли с Лук Великих (далее, о литовском походе, слово в слово как в наказе с Останею Андреевым, см. выше № 31, II)... и те государя нашего все воеводы со всеми людми и из Литовской земли вышли дал Бог поздорову.

А нечто вспросят князя Юрья: князь Иван Пронской сказывают ныне в Литве пойман, то тебе брат ли? И князю Юрью молвити: брат, господине, мне князь Иван. И вспросят князя Юрья: которым он обычаем в Литве пойман, и князю Юрию говорити: как, господине, государь наш ходил на своего недруга на литовского землю и свою отчину город Смоленеск государь ваш достал, а воеводы его были в Литовской земле, иные на Дрютцких полех, а иные у Ршы и в иных местех в Литовской земле, и государь наш своим воеводам со всеми людми велел итти к себе, и воеводы государя нашего со всеми людми пришли ко государю нашему, а те воеводы не со многими людми поостались в Литовской земле, да сошлись с литовскими людми, и тут брат наш литовским людем в руки попал.

IV. А се говорити тайная речь от великого князя Ахмату царевичу князю Юрию Дмитреевичу Пронскому, а Илья бы и Останя туто жь были, как поделается у царя дело великого князя. А нелзе будет говорити сее речи царевичу Ахмату князю Юрию, ино велети говорити Илье Челищеву.

Князь великий велел тебе говорити: приказывал еси к нам с нашим ближним человеком с Ильею с Челищевым, да и твой человек Качим нам от тебя то жь говорил, да и в грамоте еси в своей к нам писал, чтоб нам взяти к себе сына твоего [600] Юсуф-царевича. И мы к тебе к брату своему приказали с своим ближним человеком с Останею с Ондреевым, да и в грамоте есмя в своей к тебе писали с твоим человеком с Качимом и словом к тебе с ним наказали то ж, что сына твоего Юсуф-царевича хотим к себе взяти и хотим его у себя держати, как и своего сына. Князь великий велел тебе говорити: и мы и ныне сына твоего Юсуф-царевича хотим к себе взяти и хотим его у себя держати, как и своего сына, и добра твоего брата своего и сына твоего Юсуф-царевичева и всех твоих детей везде хотим смотрити и дела вашего хотим беречи и делати со всем усердием, сколко нам Бог поможет. И похочешь брат наш послати к нам сына своего Юсуф-царевича, и ты б брат ваш сына своего послал к нам не мотчая, чтоб сын твой ранее у нас был, занже приказывал к нам брат наш Магмед-Гирей царь с своими послы и в грамотах в своих писал к нам, и не одинова, чтоб нам взяти к себе у него его сына, и ты б к нам поспешил сына своего послати того деля, чтоб сын твой был у нас ранее, доколе ещо к нам не пошлет своего сына брат наш Магмед-Гирей царь, а сын бы твой у нас дотоле был. Да говорити Ахмату царевичу и сыну его Гемметю: нечто царь не по тому учнет дело великого князя делати, или куды учнет думати сам ли пойти, детей ли своих послати на великого князя украйну, или людей своих похочет послати, и Ахмат бы царевич и сын его Гемметь тогды великого князя без вести не держали: говорити им о том накрепко.

А се такова грамота послана со князем Юрием опасная к Ахмату царевичю. От великого князя Василья Ивановича всея Русии брату моему Ахмату-Гирею царевичю. приказывал еси к нам, да и в грамоте в своей к нам писал: нечто будет тебе тамо в своей земле не мочно быти, и ты хочешь к нам ехати в нашу землю, и нам бы тебе в своей земле место дати и грамота бы нам к тебе своя опасная послати. И похочешь брат наш к нам ехати в нашу землю, и ты б брат наш к нам поехал в нашу землю безо всякого опасу, а мы тебе брату своему в своей земле место дадим и дружбу свою и добро свое к тебе к брату своему и к твоим царицам и к твоему сыну к Гемметю царевичю и ко всем твоим детем хотим держати. А которые твой люди к вам с тобою приедут в нашу землю, и мы твоих людей жаловати хотим. А приехати тебе к нам в нашу землю и с своими царицами и с своим сыном с Гемметем царевичем и с своими детми и со всеми с своими людми доброволно безо всякого опасу. А от меня от брата твоего от великого князя Василья Ивановича всея Русии и от моей братьи и от моих великих князей и от моих князей и от моих [601] бояр и от всех наших людей тебе брату нашему Ахмату царевичю и твоим царицам и твоему сыну Гемметю царевичю и твоим детем и всем твоим людем лиха и нечти и силе никоторой никак не быти по сей нашей опасной грамоте; а будучи брат наш у нас в нашей земле, да похочешь итти от нас из земли вон, и тебе брату нашему Ахмату царевичю и твоим царицам и твоему сыну Гемметю царевичю и твоим детем и всем твоим людем итти от нас из земли доброволно безо всякие зацепки, а лиха и нечти и силе над тобою и над твоими царицами и над твоим сыном Гемметем царевичем и над твоими детми и над всеми твоими людми также никоторой никак не быти по сей нашей опасной грамоте. А которые есмя свои слова в сей своей грамоте к тебе брату своему писали, и те слова инако никак не будут по нашему крепкому слову. А ся наша грамота тебе брату нашему и опасная писана на Москве лета 7027-го.

А се такова дана память князю Юрию Пронскому и Илье Челищеву говорити тайно Ахмату царевичу. — Память князю Юрью Дмитреевичу Пронскому, да с ним Илье Челищеву, а Останя бы туто жь был. Как ажь даст Бог приедут в Крым, и быв у царя да будут у Ахмата у царевича, и им и Ахмату царевичу и князю Юрью речь говорити от великого князя и явная и поминки подати по записи. А опосле того речь говорити от великого князя тайная; будет лзе говорити князю Юрью, ино князю Юрью говорити, а будет нелзе Ахмату царевичу от великого князя князю Юрью говорити тое речи, ино ему Ахмату царевичу велети говорити от великого князя речь Илье Челищеву; ажь будет не мочно, дотоле подождати, доколе у царя дело великого князя поделается, а будет мочно, ино пождати. — Князь великий велел тебе говорити: приказывал еси к нам с нашим ближним человеком с Ильею с Челищевым, да и твой нам человек Качим от тебя тоже говорил, и в грамоте еси в своей к вам писал, чтоб быти у нас в нашей земле и место бы нам тебе дати в своей земле. И мы к тебе приказали с своим ближним человеком с Останею с Ондреевым и в грамоте есмя в своей к тебе писали, что к брату своему посылаем своего великого человека доброго боярина князя Юрья Дмитреевича Пронского, а с ним вместе посылаем к брату своему да и к тебе своего ближнего человека Илью Челищева, а о твоем деле наказываем к тебе с своим ближним человеком с Ильею с Челищевым. — Князь великий велел тебе говорити: и похочешь к нам ехати брат наш, и ты б к нам поехал, а мы тебе в своей земле место дадим, и добра твоего брата своего и твоих детей везде хотим смотрити и дела твоего везде хотим беречи и делати со всем усердием, сколко нам Бог поможет. И будет [602] Ахмату царевичу в Орде ещо мочно быти, а взмолвит царевичь: яз к брату своему к великому князю приказывал, чтоб мне брат мой прислал грамоту свою опасную, и брат мой приказал ко мне с своим ближним человеком с Останею с Ондреевым и в грамоте в своей ко мне писал, что грамоту свою опасную посылает ко мне с своим ближним человеком с Ильею с Челищевым, и ныне брат мой князь великий послал ко мне свою опасную грамоту, И князю Юрью и Илье говорити: царевичь господине, ныне господине государь наш не послал к тебе с нами своей грамоты того деля, берегучи твоего жь дела, нечто, господине, каково останется, а обнесется та грамота, ино господине царевичь твоему делу поруха будет. И государь ваш бережет своего дела, да и твоего дела, чтоб тебе вперед добро было. А похочешь, господине, ехати к нашему государю, и ты господине из Перекопи выеди на поле под государя нашего украйну, да пошли ко государю нашему своего человека, что ты пришел в его украйну, и государь наш, господине, пошлет к тебе доброго своего боярина часа того, да и грамоту свою с ним к тебе пришлет. Да говорити им о том по великого князя наказу, й похочет царевичь у князя у Юрья и у Ильи правды на том, что как выедет на поле, и князь великий к нему пошлет своего доброго боярина, да и грамоту свою опасную с ним к нему пришлет, и князю Юрию и Илье на том царевичу и правду дати. Да и на том князю Юрью и Илье Ахмату царевичу правда дати, что ему лиха никоторого не будет от великого князя людей от украинных. А учнет царевичь говорити князю Юрью и Илье: как из буду у великого князя, и князь великий мне даст ли Мещерской городок, которой живет за цари и за царевичи, и князю Юрью и Илье говорити: как, господине, будешь у нашего государя, и государь наш господине тебе за городок за Мещерской не стоит. И похочет царевичь у князя у Юрья и у Ильи на том правды, что ему князь великий городок Мещерской даст, и князю Юрью и Илье царевичу на том правда дати. А нечто учнет царевичь говорити о иных городех опричь Мещерского городка и Коширы которой назовет имянем, даст ли мне князь великий из тех городков который город, и князю Юрью и Илье говорити: как будешь у нашего государя, и государь наш место тебе даст в своей земле, где пригоже тебе у него быти с своими детми и с людми, занже господине ведаешь сам, что у нашего государя полно городов, есть ему что тебе дати. И похочет царевичь у князя у Юрья и у Ильи на иных городкех правды, и им царевичу на том правды не давати, а отговариватись им о том по великого князя наказу. А говорити им: царевичь господине, как ты даст Бог будешь у нашего государя, и государь наш, господине, даст тебе место, где тебе [603] пригоже быти у нашего государи и с детми. И нечто взмолвит царевичь: яз к брату своему к великому князю хочю послати своего болшего сына Гемметя царевича, и князь великий даст ли сыну моему городок Мещерской, и князю Юрию и Илье говорити; пошлешь господине ко государю к нашему своего сына Гемметя царевича, и государь наш, господине, твоему сыну городок Мещерской даст. И похочет царевичь на том у князя у Юрья и у Ильи правды, что сыну его князь великий даст Мещерской городок, и им на том царевичу и правда дати, что князь великий Гемметю царевичю городок Мещерской даст. А учнет царевичь говорити о иных городкех, да похочет на том у князя у Юрья и у Ильи правды, и им на том правды не давати, а отговариватись им по великого князя наказу.

Да приказал князь великий речь к Ахмату царевичю со князем Юрьем о меншем его сыне о Юсуфе о царевиче. И будет князю Юрью лзе царевичу самому та речь говорити о Юсуфе царевиче, и ему самому говорити, а будет нелзе самому князю Юрию тое речи говорити, ино ее велети говорити Илье Челищеву также, как нечто поделается у царя дело великого князя. И нечто учнет царевичь говорити: как мне ныне к брату своему к великому князю послати сына своего, а брат мой князь великий по сына по моего боярина своего не прислал, и мне его кому дати, и князю Юрью и Илье говорити: пошли господине царевичь сына своего на поле под государя нашего украйну, а к брату господине своему к великому князю пошли человека с тем что сын твой близко государя нашего украйны, и государь наш, господине, по сына твоего пошлет боярина часа того, а велит его, господине, взяти и к себе с ним ехати. И нечто учнет царевичь говорити о опасной грамоте на сына, и князю Юрью и Илье и в том иматись и правда на том дати, что князь великий опасную грамоту к нему на сына пришлет, и от великого князя людей украинных не блюл бысь ничего. И учнет царевичь говорити: даст ли князь великий моему сыну Юсуф-царевичу городок Мещерской, и князю Юрью и Илье говорити: царевичь господине, ведомо тебе, что у государя нашего много мест, есть ему что сыну твоему дати и устроити ему его у себя, как ему у него пригоже быти. И нечто похочет на том царевичь у князя у Юрия и у Ильи правды, что князь великий Юсуф-царевичу городок Мещерской даст, и князю Юрию на том царевичу правды не давати, а отговаряватись ему по великого князя наказу. А говорити ему: царевичь господине, есть господине у государя нашего мест полно что ему сыну твоему дати. Да говорити о том князю Юрию и Илье Ахмату царевичу накрепко по великого князя наказу, чтоб царевичь сына своего ранее послал к великому князю, доколе не пришлет Магмед Гирей царь своего сына, а Ахматов бы [604] царевичев сын дотоле был у великого князя. А нечто царевичь учнет говорити князю Юрью: приду яз к брату своему к великому князю, и место мне князь великий в своей земле даст, и как похочу яз, побыв у брата своего в земле, пойтти из земли вон, и брат мой князь великий выпустит ли меня из своей земли? И князю Юрью и Илье молвити: как, господине, похочешь, побыв у брата своего в земле, из земли итти вон, и брат твой князь великий тебя из своей земли выпустит. Да похочет царевичь у князя у Юрья и у Ильи на том правды, и им правда на том дати, что князь великий царевича выпустит из земли вон. Да послана со князем Юрием ко царевичу опасная грамота, и хоти царевичь и учнет князю Юрию о опасной грамоте говорити, а познает то князь Юрий, что царевичу в Орде ещо мочно быти, а к великому князю столь борзо не ехати, и князю Юрию царевичу грамоты не давати, да отговариватись ему о том по великого князя наказу. А учнет царевичь у князя у Юрья грамоты просити, а учнет говорити: здесе мне нынеча быти нелзе, и яз хочю ехати к брату своему к великому князю, да без грамоты мне ехати непригоже, и узнает то князь Юрий и Илья, что царевичу там быти нелзе, а недочет ехати к великому князю, и князю Юрию ему тогды грамота дата: будет лзе самому дати, ино ему самому дати, а будет нелзе самому дати, ино ему Илье велети дати, и о всем князю Юрию и Илье у Ахмата царевича дела великого князя беречи и делати по великого князя наказу, а того князя Юрию и Илье беречи накрепко, чтоб у них тое грамоты не ведал никто опричь трех их. Да беречи того князя Юрию и Илье накрепко, будет лзе помотчати, ино бы тое речи Ахмату царевичу не говорити, доколе поделается дело великого князя, и будет мочно того ждати, тое речи Ахмату царевичу не говорити, доколе поделается дело великого князя, ино ее не говорити, а говорити тогды, как поделается дело великого князя, а будет немочно дотоле ждати, доколе поделается дело великого князя, а Ахмату царевичу будет там нелзе быти, и князю Юрью и Илье та речь говорити Ахмату царевичу, а будет мочно ее петерпети (sic), ино ее не говорити. А о сыне о царевичеве о Юсуф-царевиче говорити накрепко, чтоб царевичь сына своего послал к великому князю не мотчая, чтоб он был у великого князя дотоле, доколе Магмед-Гирей царь не пошлет к великому князю своего сына, ажь дело великого князя поделается или царевичь сам поспешит говорити. А не сделается дело, и царевичь не учнет говорити, ино бы тем подождати и о царевиче бы не говорити. И нечто взмолвит Ахмат царевичь: дайте вы мне правду на том, как будет мой сын у великого князя, и брат мой князь великий в своей земле место ему даст; а учнет говорити без имени о месте, и князю Юрию и Илье Ахмату царевичу на том [605] правда дати безъимянно о котором месте: а как приедет Юсуф царевичь к великому князю, и князь великий ему место даст. А учнет Ахмат царевичь князю Юрию и Илье говорити о том: будет мой сын у великого князя, да побыв в его земле похочет ехати от него из земли, и князь великий его отоустат ли, да и правды на том похочет, и князю Юрию и Илье Ахмату на том правда дати, что как побыв его сын у великого князя да похочет ехати от великого князя из земли, и князь великий его отпустит. Да узнают по делу, что будет дело великого князя поделалось у царя, и им тогды, как будет мочно, говорити Ахмату царевичу накрепко, чтоб послал сына своего к великому князю не мотчая ранее, чтоб сын его ранее был у великого князя, да того беречи накрепко, чтоб Ахматов сын был у великого князя.

А се говорити от великого князя князю Василью Ивановичу Митке Картмазову. — Князь великий Василей Ивановичь всея Русии тебе слузе своему князю Василью Ивановичу велел поклоннтись. Князь великий велел тебе говорити: отпустили есмя в Крым к брату своему к Магагед-Гирею царю его послов Авель-Ших-зоду и Кудояра мурзу и всех его людей и царицыных и царевичевых и княжих людей, а с ними вместе послали есмя к брату своему своего боярина князя Юрья Дмитреевича Пронского, да ближнего своего человека Илью Челищева, а велели есмя князю Юрью побыти в Путивле, ждати царева посла в Путивле, а Авель-Шиху и всем царевым людем итти в Крым, а с ними есмя вместе велели итти в Крым ко царю ближнему своему человеку Илье Челищеву, и ты слуга наш, тем нам послужил: как придут из Путивля в Крым царевы люди и наш ближней человек Илья Челищев, и ты б послал с ними на поле из Путивля своих людей, а велел их проводити доколе пригоже, чтоб им бесстрашнее итти, да как твои люди, проводив их, воротятся, и ты б из тех людей одного человека к нам прислал.

Комментарии

64. Далее слово к слово как и в предшествующем проекте речи.

65. Далее идет перефразировка того же, что сказано в проекте первой речи к царю.

66. Далее опять перефразировка, что и в предшествующих проектах речей.

67. Далее слово в слово как и в предшествующей речи к нему же, царевичу Багатырю.

68. Далее слово в слово как в проекте предшествующей речи Алпу царевичу.

Спасибо команде vostlit.info за огромную работу по переводу и редактированию этих исторических документов! Это колоссальный труд волонтёров, включая ручную редактуру распознанных файлов. Источник: vostlit.info