I. Лета 7025-го апрель. Князь великий Василей Иванович всея Русии поговорил с бояры, что у него от турского салтана весть никакова не бывала, как и посол его пришел к нему Василей Коробов, ино бы к нему послати о его здоровьи вспросити сына боярского. Да приговорил князь великий послати к салтану сына боярского с грамотою Митю Быка Степанова сына Рязанца, а с ним послал свою грамоту.

А се грамота. Бог наш Троица, иже прежде век сый и ныне есть, Отец и Сын и Святый Дух. Великий государь Василей Божиею милостию един правый государь всея Руси и иным многим землям восточным и северным государь и великий князь володимерский, московский, ноугородцкий, псковский, смоленский, тферский, югорский, пермский, вятский, блъгорский и иных ⁵⁷. Салим-шаг-салтану государю костянтинопольскому и беломорскому и [427] черноморскому и наталейскому и римскому и караманскому и румскому и иных земль государю брату и другу нашему. Присылал еси к нам посла своего Камала князя, и мы твоего посла Камала князя к тебе отпустили, а с ним вместе посылали есмя к тебе своего ближнего человека Василья Ондреева сына Коробова твое здоровье видети, а наше здоровье тебе сказати. И ты нашего посла Василья к нам отпустил, а с ним вместе прислал еси к нам свою грамоту, а в грамоте в своей писал еси к нам, что еси с нами в дружбе и в братстве учинился, и послом нашим меж нас ходити на обе стороны о нашем здоровье, и наше здоровье тебе сказати, а твое здоровье вам сказати, да и людем нашим торговым меж нас ходити на обе стороны доброволно безо всякие зацепки, да и посла еси своего наборзе за нашим послом хотел к нам послати твое здоровье приехав нам сказати, а наше здоровье видети. И твой посол у нас и до сех мест не бывал, а того не ведаем, зачем у нас твой посол не бывал, И мы наперед сего лета 7024-го июня 24-го писали к тебе свою грамоту, а ту есмя свою грамоту послали твоему князю к санчагу в кафинскому, а приказали есмя к твоему санчагу к кафинскому, чтоб ту нашу грамоту до тебя допровадил: и у нас и про то от тебя весть никакова не бывала. И мы ныне послали к тебе с сею своею грамотою твоего здоровья отведати, а свое здоровье тебе сказати — своего человека Митю Степанова, и как до тебя дойдет тот наш человек Митя с сею с нашею грамотою, и ты б нашего человека Митю не издержав у себя к нам отпустил, а с ним бы еси к нам отписал о своем здоровье, чтоб вам про твое здоровье ведомо было, а вперед бы меж нас наши люди на обе стороны без оскуденья ездили нашего здоровья видети, да и послы бы наши меж нас ходили на обе стороны и гости бы наши меж нас на обе стороны ходили доброволно безо всякие зацепки. Да посылали есмя к тебе своего ближнего человека Василья Ондреева сына Коробова, а с ними вместе послали есмя своих людей Копыла Спячево, да Ивашка Варавина, а с ними есмя послали милостиню свою во Святую гору, да некоторые наши вещи на наши потребы, и ты вашего посла Василья к нам отпустил, а те ваши люди у тебя поосталися, и у нас ещо и до сех мест не бывали. И будут те наши люди и ныне у тебя, а к нам еси ещо их не отпустил, и ты б тех наших людей не издержав у себя к нам отпустил, да и проводити бы еси их велел, чтоб им как дал Бог до нас доити по здорову. Писано в нашем государстве в нашем граде Москве лета 7025-го месяца апреля 22-й день.

II. А словом с Митею приказ от великого князя салтану поклон [428] правити, а молвити: Великий государь Василей Божиею милостию един правый государь всея Русии и иным многим землям восточным и северным государь и великий князь володимерский, московский, новогородцкий, псковский, смоленский, тферский, югорский, пермьский, вятцкий, болгорский и иных, тебе великому государю Салим-шаг-салтану государю костянтинополскому и беломорскому и черноморскому и наталейскому и римскому и караманскому и румскому и иных земель государю велел поклонитися, а после того поминок подати, а опосле поминка грамота подати. — А се такова память Мите Степанову дана. Память Мите Степанову. Как ож даст Бог поедет Доном и где наедет гребучи людей или сакму наедет на поле под великого князя украйну, а будет пригоже Мите оттоле воротити казака великого князя с тою вестью, и Мите оттоле с тою вестью казака великого князя воротити к великому князю, а отвазати ему под которые места украинны великого князя та сакма пошла и где ее переехал, и многие ли люди тою сакмою шли. А нечто встретит Митю посол туретцкой и Копыл и Варавин, а Митя угребет Доном дня два или три, и Мите оттоле воротитися с послом, да пришед ему на усть-Вороножа посла туретцкого отпустити к великому князю, да и Копыла и Варавина, а наперед их к великому князю послати с тем часа того, а самому Мите стояти на усть-Вороножа, где пригоже, до великого князя обсылки, а к великому князю ему не ездити. А встретит их Митя на половине к Азову или ближе к Азову, и Мите с послом поговорити, да с Копылом и с Варавиным, бесстрашно ли им Доном итти? И скажут Мите, что ему без страху итти к Азову, и Мите ехати в Азов, а послу ему молвити, да и Копылу и Варавину, чтоб поехали к великому князю не мотчая. Да как придет посол и Копыл и Варавин на Резань, ино бы молвили Копыл и Варавин Василью Коробову, чтобы послу дал пристава и корм и подводы, да отпустил бы его к великому князю, а Копылу и Варанину ехати наперед к великому князю на подводах часа того. А как ож даст Бог придет Митя в Азов, и Мите от великого князя бургану поминок и грамота подати, да как пригоже, и Мите воротити из Азова к великому князю его казаков, сколко пригоже. А отписати ему с ними к великому князю о всем о тамошнем деле подлинно, по великого князя наказу, про турецкого салтана: где ныне турецкой, во Царе ли городе или инде где, и не валчит ли с кем или валчит, и будет валчит, и он с кем валчит, и не будет его во Царегороде, и он где ныне, и как с Кизылбашом и с угорским и с волошским и с крымским? Да и про крымского ему отписати, где ныне царь, и что его дело, и царевичи все ли ныне в Крыме или не все, и будут не все, и они где, и куды им похода чают ли из Крыма? И толко ныне царь будет в Крыме, [429] и он как с Нагаи с Астороканью, бывал ли кто из Нагай у царя и из Асторокани, и от царя кто бывал ли в Нагаех я в Асторокани, и будет царев человек был в Нагаех, и по кто был имянем, и из Асторокани и из Нагаи будет были послы в Крыме, ино кто был имянем и что их дело, и походу крымцом на Нагаи чают ли на се лето, или Ногаем на Крым походу чают ли, и где ныне Нагаи кочюют, близко ли Азторокани? Да и про литовского что услышит, как ныне литовской с крымским, бывал ли кто от литовского в Крыме и ото царя кто бывал ли в Литве, да и о всем ему о тамошнем деле отписати подлинно, что от кого услышит. А как пойдет Митя из Азова, и ему оставити в Азове десять казаков из тех и к великому князю воротити, а десяти взяти с собою в Кафу, а в Кафе ему санчагу от великого книги поминок и грамота подати, да оставити ему в Кафе семи казаков, а трех казаков взяти с собою, да аз тех же ему казаков аз семи отпустити к великому князю казаков колких пригоже. А отписати ему с теми казаки к великому князю о всем же о тамошнем деле подлинно, что услышит про салтана про турского и про крымского и про все про тамошние дела, потому жь как ему вперед писано, а иного казака одного, которого пригоже, послати Мите в Крым к Илье в Челищеву с великого князя грамотою, которая с Митею послана, аж будет Илья в Крыме, а не будет Ильи в Крыме, а будет отпущен к великому князю, и тот бы казак таки побывал в Крыме, вестей поотведал. Да как тот казак назад в Кафу из Крыму придет, а Митя аз Кафы ещо во Царьгород не пойдет, а Мате того казака отпустита к великому князю часа того, а отписати ему с ним также о всем о тамошнем деле подлинно. А нечто тот казак при Мите в Кафу аз Крыму не изспеет притти, а Мате лучитца в те поры поход в Царьгород, а Мите того казака в Кафе не дожидатися, а итти Мите во Царьгород. А тому казаку Мите приказати, которого пошлет в Крым, хоти не зайдет Мити в Кафе, а он бы пошол к великому князю из Кафы часа того. А как будет Митя во Царегороде, а будет салтан во Царегороде, а велит Мите салтан итти к себе, и Мите, пришед к салтану, да от великого князя салтану поклон правити а поминок подати и грамота подати по записи. А будет салтан во Царегороде, да не велит Мите к себе итти, а велят ему итти к пашам и грамоту подати пашам же, и Мите к пашам не ходити, а говорити ему: послал меня государь мой к салтану, а не к пашам, и мне к пашам чего для ходити. Да говорити Мите о том по великого князя наказу. А говорити ему тожь: послал меня государь мой в своему брату к салтану, и мне к вам пойтти чего дела, [430] велит мне салтан итти в себе, и яз к нему иду, а не велит — то он ведает, а к вам не иду. Да к пашам ему однолично не ходили, опричь того которой паша позовет его к себе ести или похочет его почтити, и ему к тому паше итти. А нечто салтана не будет во Царегороде, а тут будет оставил пашу или иного доброго человека, и велит ему тот паша к себе итти, и Мите и у того поотговоритися, чтоб ему к нему не итти, а проситись Мите к салтану: послал меня государь мой к салтану, и вы меня пустити к салтану. И пустят Митю к салтану, и Мите к салтану ехати, а нечто Мити к салтану не пустят, а похотят у него грамоту взяти, и Мите к тому к салтанову паше итти, да грамота подати и поминок от великого князя салтанов подати ему же, а речи не говорити. А молвити Мите: послал был меня государь мой к салтану с своею грамотою, и яз у вас просился к салтану и вы меня не пустили и ныне зде салтану нет, ино восе грамота и поминок перед тобою. А нечто у Мити грамоту возмут, да пустят его к салтану, и как Митя будет у салтана, и ему от великого князя салтану поклон правити, да молвити: послал был к тебе государь мой грамоту свою и поминок, ино у меня взял во Царегороде твой паша. А не пустят Мити без его прошенья, и Мите у них, отдав им грамота, к салтану не проситись. А нечто салтан будет во Царегороде, да станет отпускати Митю к великому князю на Крым, и Мите на Крым однолично не ездити. А нечто салтан учнет к великому князю посылати своего посла на Крым, а Мите молвит: поеди с моим послом бесстрашно на Крым, и Мите с салтановым послом ехати на Крым, а безо царева посла Мите да Крым однолично не ездити. А нечто из Крыма царь к Миге пришлет, а велит ему к себе ехати, и Мите однолично без салтанова посла на Крым не ездити, а говорити ему: меня, господине, послал государь мой не к тебе, послал меня к салтану к туретцкому, а к тебе, господине, со мною от моего государя наказу нет никоторого, и мне к тебе чего деля ездитн. А нечто встретят едучи Митя отселе туретцкого послав Азове или в Кафе, и тот ему посол учнет говорити: попдп ты к моему государю к салтану, а яй тебя жду в Азове или в Кафе, и Мите говорити тому послу: поиди ты к моему государю, и яз иду к салтану. И пойдет тот посол к великому князю, и Мите ити к салтану, а не похочет тот посол без Мити итти к великому князю, а похочет Мити ждати в Кафе или в Азове, и Мите тогды тому послу молвити: коли ты без меня не идешь к моему государю, и яз ся с тобою ворочу. И похочет посол того, чтоб с ним Митя воротился, и Мите тогды итти к великому князю с салтановым послом. Да как Митя будет у Салим-шаг-салтана, а Мите говорити тогды Салим-шаг-салтану. [431] Великий государь Василей Божиею милостию государь всея Русии и великий князь велел тебе говорити: посылали есмя к тебе своего посла Василья Ондреева сына Коробова, а с ним вместе послали своих людей Копыла Спячего, да Ивашка Варавина, а с ними послали есмя во Святую гору свою милостиню, да некоторые наши вещи на наши потребы, и ты нашего посла Василья к вам отпустил, а те наши люди у тебя поосталися, и у нас те люди ещо и до сех мест не бывали, и будешь тех наших людей к вам ещо не отпустил, и ты б тех ваших людей Копыла Спячего и Ивашка Варавина не издержав у себя к вам отпустил, да и проводити бы еси их велел послати, чтоб им как дал Бог до нас доити поздорову.

Да с Митею жь послал князь великий в Азов и в Кафу свои грамоты о проводех, а ими великого князя писано в крузе. — А се такова послана грамота с Митею в Азов к бургану. — Великий государь Василей Божьею милостию един правый государь всея Русии и иным многим землям восточным и северным государь и великий князь (полный титул) брата и друга нашего Салим-шаг-салтанову слузе диздерь бургану азовскому. Послали есмя к брату и другу своему Салим-шаг-салтану своего человека Митю Степанова с своею грамотою, и как ож даст Бог тот наш человек Митя придет в Азов, и ты б того вашего человека Митю в Азове не издержав отпустил к брату и другу нашему к Салим-шаг-салтану, дай проводити бы еси его послал до Кафы, чтоб ему как дал Бог до Кафы здорово доехати. Да с Митею жь есмя послали своих казаков, а велели есмя их воротити к себе из Азова, и которых ваших казаков из Азова воротит к нам ваш человек Митя, и ты б с ними к вам отписал про брата нашего про Салмм-шаг-салтаново здоровье и где он ныне, да и про все бы еси про тамошние дела с ними к нам отписал. А как еси наперед того нам служил и о вестех к нам писал, и ты б и вперед вам служил и о вестех к нам писал, а мы ож даст Бог и вперед тебя брата своего Салим-шаг-салтанова слугу жаловати хотим. Писано в вашем государстве в нашем граде Москве лета 7025-го, месяца апреля.

А се такова послана грамота с Митею в Кафу к санчагу кафинскому. — Великой государь Василей Божиею милостию един правый государь всея Русии и иным многим землям восточным и северным государь и великий князь (полный титул) брата и друга нашего Салим-шаг-салтанову слузе Магмедю князю санчагу кафинскому. Послали меня к брату и другу своему к Салим-шаг-салтану своего человека Митю Степанова с своею грамотою. И ты б того нашего человека Митю не [432] издержав отпустил к брату и другу нашему к Салим-шаг-салтану. чтоб ему ранее быти у брата и друга нашего у Садим-шаг-салтана. Да велел есми тому своему человеку Мите оставити в Кафе своих казаков, и как будет всеми тем нашим казаком к нам итти, и ты б тех ваших казаков к нам отпустил. Да и проводити бы еси их послал до Азова, чтоб им как дал Бог до Азова дойти поздорову, а с теми бы еси с нашими казаки к нам отписал про брата и друга нашего про Салим-шаг-салтаново здоровье, как его Бог милует и где он ныне, чтоб нам про его здоровье ведомо было, да и про все бы еси про тамошние дела к нам отписал, а мы аж даст Бог к тебе к брата нашего и друга к Салим-шаг-салтанову слузе вперед жалованье свое хотим держати. Писано в нашем государстве в нашем граде Москве лета 7025-го месяца апреля.

Да как Митя Степанов будет в Кафе, и ему как будет пригоже послати в Крым к Илье к Челищеву великого князя казака которого пригоже с великого князя грамотою, толко будет Илья Челищов в Крыме.

А се грамота к Илье к Челищеву. — От великого князя Василья Ивановича всея Русии в Крым Илье Челищову. Делает ли царь наше дело, и как тебя царь хочет к нам отпустити и своего человека царь с тобою к нам посылает ли, и будет посылает, и он кого посылает, да будет ещо царь тебя к нам не отпускает, и ты бы у Магмед-Гирея царя дела наши делал по нашему наказу и у царя бы еси просился, чтоб тебя царь не издержав к нам отпустил. Писано на Москве лета 7025 апреля.

А Митю Степанова князь великий отпустил наперед на Рязань, а грамоты и память послал князь великий за Митею с Иваном с Меньшим с Щокиным. И Иван Щекин с Резани к великому князю приехал, а сказал великому князю, что Митя Бык поехал с Резани на третьей неделе по Велице дни, во вторник. И Митю Степанова на Дону татарове убили, до салтана не дошел.

Комментарии

56. См. выше № 18; продолжение же сообщений с Турциею, ниже — № 35.

57. Титул как а в предшествующих подобных грамотах, написан в трех кругах.

Спасибо команде vostlit.info за огромную работу по переводу и редактированию этих исторических документов! Это колоссальный труд волонтёров, включая ручную редактуру распознанных файлов. Источник: vostlit.info