I. Лета 7016, апреля 13, послал князь великий в Нагаи князя Темиря Якшенина к Асану князю и к иным князем и мурзам з грамотами для литовского дела; а грамоты с ним посланы отворчятые з болшими печатми. А что к ним князь великий в грамотах своих писал, то к ним с Темирем и словом приказывал. А писаны грамоты по татарски.

А се грамота Асану князю. Великого князя Васильево слово Асану князю. Слово наше то: напредь того межи отца нашего, великого князя Ивана, и межи братьи твоей, Мусы князя и Ямгурчея князя, их люди ездили здоровья их видети; а опосле того их дитя попало в руки отцу вашему и нам, и они присылали о том ко отцу нашему да и к нам своих людей: Муса князь своего человека Зябала, Амгурчей своего человека Еудаша, о том, чтобы нам дитя их к ним отпустити. И мы того инако не учинили, а учинили есмя по их прошению: дитя есмя их к ним отпустили, и люди их Зябал и Еудаш и шерть нам за Мусу и за Ямгурчея дали на том, чло князю Мусе и Емгурчею и всем мурзам другу нашему другом быти, а недругу недругом быти и на всякого недруга быти с нами заодин. И Божья воля състалася, отца нашего великого князя Ивана в животе не стало; а на коих государствех был отец наш государем, и Божьею волею на тех государствех ныне мы государем. Да и послали были есмя к тебе да и к Алач мырзе еще прошлого году своего доброго человека Кожуха Карчеева с товарищы с своими грамотами о том: как наперед того межи отца нашего, великого [2] князя Ивана, да и нас и твоей братьи Мусы князя и Емгурчея князя нашы люди ездили здоровьа нашего видети, так бы и ныне межи меня и тебя нашы люди ездили здоровья нашего видети и были бы есте со мною в правде потомуж, как брат твой Муса и Емгурчей были с отцом с нашым и со мною в правде, и другу бы есте нашему друзи были, а недругу недрузи, и на всякого бы есте на нашего недруга были с нами заодин, — так есмя были писали к тебе, да и в Алач мырзе в своих грамотах. И Ал-Чагыр мырза наших людей Кожуха с товарищы у себя задержал, до вас они не дошли. И мы ныне послали к тебе и в Алач мырзе и в Ал-Чагыр мырзе своего человека Темиря князя с своими грамотами и с речи и о том: как наперед того межи отца нашего, великого князя Ивана, да и нас и твоей братьи Мусы князя и Емгурчея князя люди нашы ездили здоровья нашего видети, так бы и ныне межи меня и тебя люди наши ездили здоровья нашего видети, и были бы есте со мною потомуж в правде, как братьа твоя Муса князь и Емгурчей князь были с отцем с нашым и с нами в правде и в дружбе, и на всякого бы есте на нашего недруга были со мною заодин, и гости бы ваши в нашы земли ходили, а придти вашим гостем в нашы земли и отойти доброволно безо всякие зацепки. А что зять ваш Шиг-Ахмет царь, надеяся на Литовсвого дружбу, пришел в его земли, и Литовской зятя вашего Шиг-Ахметя царя поймал, а хочет его убити; а нам Литовской недругом ся учинил: ино Литовской как ныне вам недруг, так и мне недруг, и вы бы со мною были на своего и на моего недруга на Литовского и на всякого моего недруга заодин; а ныне бы есте пошли на своего и на моего недруга на Литовского землю и недружбу бы есте ему свою чинили, как вам Бог пособит. А мы вашему и своему недругу Литовскому отселе недружбу свою чиним, да и вперед аж даст Бог хотим ему недружбу свою чинити, как нам Бог пособит. А как пойдете на своего и на моего недруга на Литовского землю, и вы бы с тем человека своего ко мне прислали, что есте на своего и на моего недруга на Литовского землю пошли, и как ему свою недружбу хотите чинити, чтобы нам то ведомо было; и мы ему отселе также недружбу свою хотим чинити, как нам Бог пособит. А как приедет к тебе наш князь Темирь с сею нашею грамотою, и ты бы у него нашу грамоту взял, которую есмя к тебе послали, да его бы еси отпустил не издержав к Алач мырзе и к Ал-Чагыр мырзе и к мырзам с нашыми грамотами, да и к нам бы есте нашего князя Темиря отпустили не издержав, да и своих людей добрых с ним вместе к нам прислали, да и гостей бы есте своих с ними вместе в нашы земли отпустили; а вашым гостем в нашы земли доброволно приехати и [3] отъехати безо всякие зацепки. А и словом есмя то ему князю Темирю велел вам о том говорити; и что от меня учнет тебе князь Темир говорити, и ты бы ему верил. Писав на Москве, лета девять сот 13, априль.

А се такова грамота послана Алач мырзе. Великого князя Васильево слово Алач мырзе. Слово наше то: наперед того межы отца нашего, великого князя Ивана, и межи дяди твоего Мусы князя и отца твоего Емгурчея князя, их люди ездили здоровья их видети; а опосле того их дитя попало в руки отцу нашему и нам; и они присылали о том к отцу нашему да и к нам своих людей: дядя твой Муса князь своего человека Зябала, а отец твой Емгурчей князь своего человека Уедаша о том, чтобы нам дитя их к ним отпустити. И мы того инако не учинили, а учинили есмя по их прошенью, дитя есмя их к ним отпустили, и люди их Зябал и Уедаш и шерть нам за дядю твоего за Мусу князя и за отца твоего за Емгурчея князя дали на том, что дяде твоему Мусе князю и отцу твоему Емгурчею князю и всем мурзам другу нашему другом быти, а недругу недругом быти и на всякого недруга быти им с нами заодин. И Божиа воля състалася, отца нашего великого князя Ивана в жывоте не стало; а на коих государствех был отец наш государем, и Божиею волею, на тех государствех ныне мы государем. Да и послали были есмя к Асану князю да и к вам мурзам, еще прошлово году, своего доброго человека Кожуха Корчеева с товарыщы с своими грамотами о том: как наперед того межи отца нашего, великого князя Ивана, да и нас и твоего дяди Мусы князя, и отца твоего Емгурчея князя, нашы люди ездили здоровья нашего видети, так бы и ныне межы меня и тебя нашы люди ездили здоровья нашего видети и были бы есте со мною в правде потомуж, как дядя твой Муса князь и отец твой Емгурчей князь были с отцом нашим и со мною в правде, и другу бы есте нашему друзи были, а недругу недрузи, и на всякого бы есте нашего недруга были с нами заодин; так есмя были писали к Асану князю и к вам мурзам в своих грамотах. Ино Ал-Чагир мырза наших людей Кожуха с товарыщи у себя задержал и до вас они не дошли. И мы ныне послали к Асану князю, и к тебе, и в Ал-Чагир мырзе, и к иным мурзам своего князя Темиря с своими грамотами и с речми о том: как наперед того межи отца нашего, великого князя Ивана, да и нас, и дяди твоего Мусы князя и отца твоего Емгурчея князя люди наши ездили здоровья нашего видети, так бы и ныне межи меня и тебя люди наши ездили здоровья нашего видети, и были бы есте со мною потомуж в правд, как дядя твой Муса князь и отец твой Емгурчей князь были с отцем с нашим и с нами в правде и в дружбе, и на всякого бы есте нашего недруга [4] были со мною заодин, и гости бы ваши в наши земли ходили; а притти вашым гостем в нашы земли и отойти доброволно безо всякие зацепки. А что зять ваш Шиг-Ахмет царь, надеяся на Литовского дружбу, да пришол в его землю, и Литовской зятя вашего Шиг-Ахметя царя поймал, а хочет его убити, а и нам Литовской недругом ся учинил; ино Литовской как ныне вам недруг, так и мне недруг, и вы бы со мною были на своего и на моего недруга на Литовского и на всякого моего недруга заодин; а ныне бы есте пошли на своего и на моего недруга на Литовского землю и недружбу бы есте ему свою чинили, как вам Бог пособит. А мы вашему и своему недругу Литовскому отселе недружбу свою чиним, да и вперед ож даст Бог хотим ему недружбу свою чинитя: как нам Бог пособит. А как пойдете на своего и на моего недруга на Литовского землю, и вы бы ко мне с тем человека своего прислали, что есте на своего и на моего недруга на Литовского землю пошли, и как ему недружбу свою хотите чинити, чтобы нам то ведомо было, и мы ему отселе также недружбу свою хотим чинити, как нам Бог пособит. А нечто наперед приедет к тебе наш князь Темир с сею нашею грамотою, и ты бы у него нашу грамоту взял, которую есмя к тебе послали, да его бы еси отпустил не издержав в Асану князю и к Ал-Чагир мырзе и к иным мырзам с нашыми грамотами, да и к нам бы есте нашего князя Темиря отпустили не издержав, да и своих людей добрых с ним вместе к нам прислал, да и гостей бы есте своих с ним вместе в нашы земли отпустили; а вашым гостем доброволно в нашы земли приехати и отъехати безо всякие зацепки. А и словом есмя своему князю Темирю велели вам о том говорити; и что от меня учнет тебе князь Темирь говорити, и ты бы ему верил. — Писан на Москве, лета девять сот третьягонадесять, апрель.

А в Агишу мурзе, Емгурчееву сыну, послана с Темирем такова ж грамота, слово в слово, как и к Алач мырзе. А Шихим мырзе, Мусину сыну, послана такова ж грамота, слово в слово, как Алачю и Агишу.

А се такова грамота послана с Темирем же к Ал-Чагир мырзе. Великого князя Васильево слово Ал-Чагир мырзе. Наперед того отец твой Муса князь и дядя твой Емгурчей князь были с отцем с нашим да и с нами в правде и в дружбе; и как Божиа воля състалася, отца нашего великого князя Ивана в жывоте не стало, и на коих государствех был отец наш государем, и Божиею волею, на тех государствех ныне мы государем. И мы тогды посылали к Асану князю и к тебе л к Алач мырзе своего доброго человека Кожуха с своими грамотами, а в грамоте в своей к тебе писали есмя, что как наперед того межы [5] отца вашего великого князя Ивана и нас, и отца твоего Мусы князя и дядя твоего Емгурчея князя была правда и дружба, и люди наши межи нас ездили здоровья нашего видети, так бы и ныне меж нас и тебя люди наши ездили здоровья нашего видети, и был бы еси с нами в правде потопу ж, как отец твой и дядя твой да и ты были с отцем с нашим да и с нами в правде, другу бы есте нашему друзи были, а недругу — недрузи, и на всякого бы есте нашего недруга были со мной заодин. И ты с нашим человеком с Кожухом прислал к нам своих людей Козяка да Увану с своею грамотою, а в грамоте своей к нам писал еси, да и словом нам от тебя твои люди говорили, чтобы нам похотети с тобою дружбы, и люди бы наши меж нас ездили здоровья нашего видети, а к тебе бы нам послати своего доброго боярина. И мы послали к тебе да и к брату твоему Шейдяк у своего доброго ближнего человека Чюру с товарыщи с своими грамотами, а в грамоте в своей к тебе писали есмя, что с тобою дружбы хотим, и люди бы нашы меж нас ездили здоровья нашего видети, да и гости бы вашы в нашы земли ходили; и гостем вашым в вашы земли доброволно приехати и отьехати безо всякие зацепки, — так есмя к вам писали с Чюрою в своих грамотах. А у Асана князя и у Алач мырзы наш человек Кожух не был. И мы ныне послали к Асану князю и к тебе и в Алач мырзе и к иным мырзам слугу своего князя Темиря з грамотами и с речми о том, чтобы есте были с нами в правде и в дружбе потомуж, как был отец твой Муса князь и дядя твой Емгурчей князь с отцем с нашим, с великим князем Иваном, и с нами в правде и в дружбе, и на всякого бы есте нашего недруга были со мною заодин. Да что зять ваш Шиг-Ахмет царь, надеяся на Литовского дружбу, пришел к нему в землю, и Литовской зятя вашего Шиг-Ахметя царя поймал, а хочет его убити, а и нам Литовской недругом ся учинил; ино Литовской как ныне вам недруг, так и мне недруг, и вы бы были со мною на своего и на моего недруга на Литовского и на всякого моего недруга заодин; а ныне бы есте пошли на своего и на моего недруга на Литовского землю и недружбу бы есте ему свою чинили, как вам Бог пособит; а мы вашему и своему недругу Литовскому отселе недружбу свою чиним, да и впредь, ож даст Бог, хотим ему недружбу своючинити, как нам Бог пособит. А как пойдете на моего и на своего недруга на Литовского землю, и вы бы ко мне с тем прислали своего человека, что на своего и на моего недруга на Литовского есте землю пошли, и как ему хотите недружбу свою чинити, и чтобы нам то ведомо было; п мы ему отселе также хотим недружбу свою чинити, как нам Бог пособит. А нечто наш князь Темирь наперед наедет тебя с сею нашею [6] грамотою, и ты бы у него свою грамоту взял, а его бы еси отпустил не издержав к Асану князю и к мурзам с моими грамотами, да и к нам бы есте нашего князя Темиря отпустили не издержав, да и своих бы есте людей добрых, прикошевав к нему, к нам вместе прислали, да и гостей бы есте своих с ними в нашы земли отпустили; а вашым гостем в нашы земли к нам доброволно приехати и отъехати безо всякие зацепки. А и словом есмя своему князю Темирю велели о том вам говорити; и что от меня учнеть тебе говорить, и ты бы ему верил. Да попал в руки нашым людем брата твоего Кул-Ахматов человек Довлет-Келдей, и они его к нам привели, и мы того Кул-Ахматова человека со князем с Темирем к вам послали; и которые будут нашы люди попали в руки вашым людем, и ты бы тех наших людей всех сыскав к нам прислал. Писана на Москве, лета девять сот третьягонадесять, апрель.

А се такова грамота послана с Темирем Шийдяку мырзе.

Великого князя Васильево слово Шийдяку мырзе. Присылал еси к нам своих людей, Асаняка да Ян-Берю, с своею грамотою; а в грамоте своей к нам писал еси, да и словом нам от тебя твои люди говорили о том, что как наперед того межы отца нашего, великого князя Ивана, и нас, и меж отца твоего Мусы князя и дяди твоего Емгурчея князя правда и дружба была, и люди их межи их ездили здоровья их видети, и нам бы ныне потомуж похотети с тобою дружбы. И мы послали к брату твоему к Ал-Чигир мырзе, да и к тебе своего ближнего человека Чюру с товарищи, с своими грамотами; а в грамоте своей к тебе писали есмя, что с тобою дружбы хотим, и люди бы нашы меж нас ездили здоровья нашего видети, да и гости бы вашы в нашы земли ходили; а гостем вашым в вашы земли доброволно приехати и отъехати безо всякие зацепки, — так есмя к вам писали с Чюрою и с его товарыщи в своих грамотах. А наперед того были есмя послали в Асану князю и к Алач мырзе и к Ал-Чагир мырзе своего доброго человека Кожуха Еарчеева с товарыщи с своими грамотами, и наши люди, Кожух с товарыщи, с нашыми грамотами у Асана князя и у Алач мырзы не были, а приехали к нам от Ал-Чагир мурзы назад вместе с его людми. И мы ныне послали к Асану князю и к Алач мырзе и к Ал-Чагир мырзе и к тебе и к иным мурзам своего князя Темиря з грамотами и с речми о том, чтобы есте были с нами в правде и в дружбе потомуж, как был отец твой Муса князь и дядя твой Емгурчей князь с отцем с нашим, с великим князем Иваном, и с нами в правде м в дружбе, и на всякого бы есте нашего недруга были со мною заодин. Да что зять ваш Шиг Ахмет царь, надеяся на [7] Литовского дружбу, пришел к нему в землю, и Литовской зятя вашего Шиг-Ахметя царя поймал, а хочет его убити; а и нам Литовской недругом ся учинил: ино Литовской как ныне вам недруг, так и мне недруг, и вы бы со мною были на своего и на моего недруга на Литовского и на всякого моего недруга заодин; а ныне бы есте пошли на своего и на моего недруга на Литовского землю и недружбу бы есте ему свою учинили, как вам Бог пособит; а мы вашему и своему недругу Литовскому отселе недружбу свою чиним, да и вперед, ож даст Бог, хотим ему недружбу свою чинити, как нам Бог пособит. А как пойдете на своего и на моего недруга на Литовского землю, и вы бы ко мне с тем прислали своего человека, что на своего и на моего недруга на Литовского землю есте пошли, и как хотите ему недружбу свою чинити, чтобы нам то ведомо было, и мы ему отселе также хотим недружбу свою учинити, как нам Бог пособит. А нечто наш князь Темирь наперед наедет тебя с сею нашею грамотою, и ты бы у иего свою грамоту взял, а его бы еси отпустил не издержав к Асану князю и к Алач мырзе и к Ал-Чагир мырзе и в иным мырзам с моими грамотами; да и к нам бы есте нашего князя Темиря отпустили не издержав, да и своих бы есте людей добрых, прикошевав к нему, с ним вместе к нам прислали, да и гостей бы есте своих с ним в нашы земли отпустили; а вашым ростом в нашы земли к вам доброволно приехати и отъехати безо всякие зацепки. А и словом есмя своему князю Темирю велели о том вам говорити; и что от меня учнет тебе говорите, и ты бы ему верил. Писана на Москве, лета девять сот 13, апрель.

II. А се такова память дана князю Темирю.

Память князю Темирю. Как ож даст Бог поедет на великого князя дело, и где наедет на поле на сей стороне Волги улусы Ногайские, и ему о том пытати, которого мырзы улусы, и ему туто пытати, все ли Ногаи на сей стороне Волги кочюют, или не все; и будут не все, ино Асан ли князь кочюют на сей стороне Волги, или мурзы которые, и много ли их на сей стороне Волги кочюют, половина ли их, иди болшы, или меншы; да что ему скажут, и ему оттоле с тем к великому князю послати. А не наедет никаких улусов на сей стороне Волги, и как ож даст Бог князь Темирь приедет к Волзе, и ему от Волги с тем к великому князю послати, что на поле на сей стороне Волги нет Нагай никаких людей; а сказывают их, что кочюют за Волгою в том месте, а самому Темирю за Волгу лезти в тот день, а чает Нагаи наехати в столко день от Волги. А как ож даст Бог наедет где Нагаи, и Темирю от великого князя Асану князю и мурзам поклон правити, а молвите: Князь великий [8] Василей Иванович всеа Русии велел тебе поклонитися. Да грамоту подати, да и поминок подати. И как грамоты им от великого князя подаст и поминок, и Темирю после грамот говорити Асану князю, да и мурзам, чтобы великому князю перед ним правду учинили потомуж, как был Муса князь и Емгурчей князь с великим князем Иваном я с великим князем Васильем в правде и в дружбе, и были бы с великим князем на своего и на великого князя недруга на Литовского заодин, и пошли бы ныне не мотчая все на своего и на великого князя недруга на Литовскую землю. А взмолвят Асан князь или мырзы: мы правду на том учиним, что нам с великим князем быти на всякого его недруга с ним заодин; а ты нам дай правду на том, что великому князю дати нам правду на том, что ему быти с нами на всякого нашего недруга заодин. И Темирю молвити: толко вы учините государю нашему передо мною правду на том, что вам со государем с нашым с великим князем быти в правде и в дружбе, и на своего и на его недруга на Литовского быти вам с ним заодин, и яз вам дам правду на том, что государь наш вам даст правду на том, что с вами в правде и в дружбе будет, а на вашего и на своего недруга на Литовского с вами будет заодин. Да как дадут правду перед Темирем, а похотят Нагаи итти на Литовскую землю, и Темирю с тем тогды к великому князю послати; а к великому князю ему отписати в которой день их наехал, и кто правду учинили, все ли иди не все, и кто хочет итти на Литовскую землю, Асан ли князь иди которые мырзы имянем, или Асан князь и все мырзы хотят итти, и в кой день чают ся лезти за Волгу, да чтобы Асан и мурзы с тем к великому князю послали. А как аж даст Бог Темирь приедет с ними в Дону, и Темирю тогды проситися, чтобы его отпустили к великому князю; а с ним бы послали к великому князю своих людей с тем, что пришли в Дону, а идут на Литовскую землю, чтобы то великому князю ведомо было; и государь мой тогды также вашему и своему недругу Литовскому недружбу свою будет чинити. Да говорити Темирю Асану князю и мурзам, как выйдут к Дону, чтобы Асан и мурзы все заказали своим людем накрепко, чтобы идучи великого князя людем украинным лиха никакого не чинили.

А Темиря князь великий отпустити из его поместья послал отпустити Останю подъячего Гридина сына. А поехал Останя после Темиря априля 15. А Шыхим мырзе, Мусину сыну, грамота с Темирем не поспела, и та грамота послана яа Темирем с Останею с подъячим.

III. И маия 9, приехал из Нагай Иванча Москвитинь; а с ним [9] приехал к великому князю из Нагай от Ян Магметя мырзы человек его Исень-Бахты а грамотою.

А се грамота.

Из далние земли ближнею мыслью от Ян-Магметя мурзы Василью князю мног мног поклон. После поклона ведомо бы было: наперед того с отцом и з дядею да так и взимок бывал, и мы потомуж Исень Бахтыя паробка своего послали есмя, как гораздо посмотрят сами ведают, они бы тамо поздорову были, а мы бы зде поздорову были, а добра бы много было, дай Боже так.

И июня 11, князь великий Ян-Магметева человека Исень-Бахтые отпустил, а приказал с ним в Ян-Магметю: молви от нас Ян-Магметю, чтобы и впредь меж нас люди наши ездили здоровья нашего видети, да и гости бы их в нашы земли ходили; а людем их и гостем в нашы земли к нам доброволно приехати и отъехати без всякие зацепки. Да вези от нас Магметю грамоту. Да того дни его князь великий и отпустил.

А се грамота к Ян-Магметю с его человеком с Сен-Бахтыем.

Великого князя Васильево слово Ян-Магметю мырзе. Прислал еси к нам своего человека Исень-Бахтыа з грамотою, а в грамоте своей к нам писал еси, что наперед того меж отца нашего да и твоего отца и дяди твоего была дружба, и люди их меж их ездили здоровья их видети, ино бы и нам ныне похотети с тобою дружбу, и люди бы наши меж нас ездили здоровья нашего видети, — так еси к нам писал в своей грамоте. И мы ныне с тобою дружбу хотим, и люди бы наши меж нас ездили здоровья нашего видети, да и гости бы вашы в нашы земля ходили; а гостем вашым в нашу землю к нам доброволно приехати и отъехати без всякие зацепки.

А отпустил князь великий того Ян-Магметева человека Исень-Бахтыа вместе с азтороканскими послы, а толмача с ними послал одного до Новогорода до Нижнего, корм им давати, Дениска Максимова; а пропускнаа грамота по городом и в Казань ко царю писаны во ординских тетратех.

IV. Июня же 7, прислал к великому князю Темирь князь свою грамоту с своим человеком с Елаем с Махметевым; а писал в своей грамоте, что приехал на Волгу маиа в 14, а Нагай на сей стороне нет никого. А за Волгу есми, государь, перевезся маиа 25; и за Волгою мя, государь, взял Абдел-Гаир царевичь на свои руки, а говорил мне: коля ты идешь посол от великого князя к дядям к моим и к братье, и яз тебя до дядь до своих и до братьи допроважу. И та грамота Темирева в ординском ящыке. [10]

V. И июня ж 20, приехал из Нагай от Абдыр-Хаир мырзы Магмед-Алеева сына человек его Якшей з грамотою.

А се грамота.

Великому князю Василью от Ахмед-Алеева сына, от Абдыр-Хаир мырзы челобитье. В сяков во год встретился есми со царевичевыми казаки, и яз ему приказал слово о его сестре; и ныне бы ты князь великий Василей пожаловал, яз о том деле бью тебе челом, как пожалуешь, ты ведаешь; а здесе твоих дел колко ни буди, и яз на твоих делех хочю стояти. А о том есми деле к тебе своего мамичича Акшеа да Темирева человека послал; и ты толко меня учнешь жаловати; и ты бы того моего человека, да и Темирева человека ко мне борзо отпустил. А где будет здесе твое дело, и яз его рад делати.

И июля 3, князь великий Абдыл-Хаирова человека отпустил; а с ним послал к Абдыл-Хаиру свою грамоту. А Темирева человека Елаа с ним же отпустил, а послал к Темирю свою грамоту.

А се грамота к Абдыл-Хаиру с его человеком с Акшеем. Великого князя Васильево слово Абдыл-Хаир мырае, Ахмет-Алееву сыну. Прислал еси к вам своего мамичича Акшея с своею грамотою, да посла вашего Темирева человека; а в грамоте к вам писал еси: колко ваших дел там не будет, и ты хочешь на тех ваших делех стояти и дело ваше делати; а вам бы твоего мамичича Акшеа и Темирева человека к тебе, не издержав, отпустити, — так еси писал к нам в своей грамоте. И ты бы и вперед ваше дело делал, и люди бы вашы межи вас ездили здоровья вашего видети; а мы аж даст Бог хотим против того тебе свое добро чивити. И ныве есмя твоего мамичича Акшеа и Темирева человека к тебе отпустили. Да чтобы еси говорил Асану князю да и мурзам, чтобы вашего посла Т?миря князя, не издержав, к нам отпустили, и своих бы людей добрых к вам с ним вместе прислали, да и гостем бы своим в наши земли велели ходити; а гостем их в ваши земли к нам доброволно приехати и отъехати без всякие зацепки.

А се такова грамота послана в Темирю сь его человеком сь Елаем.

От великого князя Васильа Ивановича всеа Руси, князю Темирю Якшенину. Что есмя послали тебя в Натай к Асану князю и к мурзам, и ты бы то наше дело делал по нашему наказу, как у тебя в записи писано и как тебя Бог вразумит; а узнаешь то, что уж им не лезти за Волгу, и ты бы у них просился, чтобы тебя к нам отпустили. А за какими делы за нашими лучиттися помотчати, и ты бы к нам отпустил человека, а с ним бы еси к нам отписал о всем о тамошнем деле, и где еси Асана князя наехал, и где которого мырзу наехал, и как там наше дело делается; и отколе к нам человека [11] пошлешь и с которого места, и где тогды будет был и ныне Асан князь да и мурзы, и что их дело, и как себе чаешь оттоль отпуска, и с которого дни м с которого места, о всем бы еси о том отписал к нам именно, чтобы вам то ведомо было.

А печать у мырзины грамоты болшаа.

А послал князь великий проводитя того татарина Акшея Елку толмача; а в городок ему с ним ездити не велел, велел городок обвести, чтобы тот татарин в городке не был. А ко царевичу писал князь великий с Елкою в своей грамоте, чтобы царевич послал своих людей проводити его до украйны, того деля, чтобы тому татарину Акшею от его людей лиха никакова не было. А о корму давали Елке грамоту дьаки, которые ямы ведают.

VI. И августа 7, приехали к великому князю из Ногай от мурз их люди посолством с грамотами: от Ал-Чагыр мурзы человек его Бау-Бек, а от Шидяка мурзы человек его Кудоар, а от Мамая мурзы человек его Курман-хозя, а от Хош-Махметя мурзы человек его Бебеш. Да с ними ж приехали из Ногай Ах-Куртов царевичев сын Ак-Доблет, да Ах-Куртовы царевичевы люди Муса с грамотами.

А се Ах-Куртовы грамоты.

Брату моему Василью князю от Та-Курта царевича мног поклон. Молвя, ведомо бы было: в сяков же год с Кожухом князем Тилевля паробка своего послав, ждал есми; и послышал есми, что дядя мой Агалак царь пошол, и яз за ним же пошол; и ты послал боярина своего Нозроватово. И как боярин твой пришел и как того есмя не услышали, что нам Казань дает, ино нам наша братия и дети и слуги не похвалили, да х тобе не поехали и яз ся один не остал. И как есия до себя доехали, и которого еси посла к нам своего прислал Магметя, и мы его увидев обрадовалися; и нынеча оне все, подумав, хотят прислати. И мы по своего слова правости, в сяков же год, которого есмя посылали паробка своего Телевлюя, а твоего есмя мещеренина Кутлуг-Девлетя наперед послали. И нынеча меня братом себе назовешь пожалуешь, и мы недруга твоего саблею сечи, а другу твоему друзи. И коли пожалуешь из тех из дву юртов меня, и ты бы ко мне на веру прислал любо молнина Мамышова сына Болтача, а любо Кожуха; а бил бы ти челом о боярине, и он в сю землю не придет. И нынеча твой человек рано доедет, и мы рано; поздо доедет, и мы поздо; а толко не поедем, ино твоя рота и правда на нас буди. Молвя, грамоту написал есми. В сяков же год которого есми паробка послал да и в грамоту имя его написал, и он ся розболел, и яз, Мусою зовут, паробка [12] послал; и ныне пожалуешь, с тени в двема с моими паробки того своего человека наборзе пришлешь, о котором ти есми бил челом, ты ведаешь.

Брату моему Василью князю от Та-Курта царевича мног поклон. Молвя, ведомо бы было: в сяков же год з дядею своим с Огалаком приходил семи и от тебя Нозроватой приездил, и про Казань речь как не сталася, и все братия моя воротилися, и яз с ними же воротился п к себе есмя пришли. И ты к нам Магметя прислал; и мы Магметя видев, много ся порадовали, и нынеча есми помыслил ити х тебе. И межи князя и мурз заворошня сталася, и яз затем не пошол. И яз, примости для своего слова, сына своего Ак-Девлетя послал к тебе. И ныне Бог ведает да ты ведаешь, как пожалуешь, из дву юртов пожалуешь, ты ведаешь. И как мой сын дойдет до тебя, з добрым человеком не издержав к нам прислал бы еси, ты ведаешь. Которые еси поминки к нам послал с Магметем, и те нас поминки не дошли, сам их истерял. А ныне что пожалуешь пришлешь, ты ведаешь.

От Ак-Курта царевича великому князю Василью, брату моему, поклон. Молвя, ведомо бы было: Ак-Магмедем зовут молодец, у Бога да у тебя в руках у брата у моего у великого князя, и за тово как мне не постоишь, ты ведаешь.

А се Ал-Чагыр мурзины грамоты с его человеком с Бау-Беком.

Великому князю Василью от Ал-Чагыра мурзы поклон. С твоим дедом, с великим князем, наш дед отечьство и сыновьство меж ими бывало. И нынеча ты жалуешь, ежолет человека своего ко мне посылаешь, у меня в сей земле братии много. Как твой отец с моим отцом в друзех были, и у меня так надея боле того в дружбе и в братстве с тобою хочю быти. С тое сторон ы король тебе будет недруг, и ты ко вине весть пришли; ино человек сам ся ведает. А яз брату своему великому князю хочю пособляти; и брат бы мой князь великий однолично меня без вести не держал. Сее стороны нам ратны козаки; сказали нам, что идут к нам ратию; и мы против их покочевали и Бог даст оттоле поздорову воротимся. Ино мое кочивище Волга; и толко тебе отколе рать будет, ино ближней человек на ту рать с тобою яз. А от твоего дела и от моего дела один болшой посол, а другой гонец хаживал, и сею дорогою тех дву человек по прежней пошлине послал есми, одного болшой посол, другое гонец; болшой посол Бау-Бек, а гонец Лагим-Бердей. По прежнему и посла и гонца, посмотрив в старые дефтери, как почтишь, ты ведаешь. В сяков же год Чюру, доброво своего слугу, прислал еси, и мы с ним хотели добрых гостей отпустити; и сего году ратны учинилися, и мы за тем не послали. А Бог даст с Темиром доброго своего посла и гостей с ним пришлем; сего году ратны есмя, и мы за тем х тебе гостей не [13] послали. А пожалуешь, сел наших послов борзо отпустишь, братство то; а другу есми твоему друг, а недругу недруг. Ты пожалуешь, один конец гостей тамо буди, а другой здесе, молвил оси. А и я ся так надею, чтобы гостей один конец здесе был, а другой у тебя бы был, сирота бы, роба и вдова, жонка ходили, чтобы другу и недругу видети я слышети. И толко пожалуешь, и ты бы сего вашего посла Бау-Бека однолично судном бы еси его отпустил, занеже Крымская сторона наша недруг, толко встретятца, ино не добро будет.

Великому князю Василью, брату моему, от Ал-Чагыра мурзы поклон. Молвя, ведомо бы было: слава Богу, о трех оглобель один есми, ни конем ни платию есми не жаден, и назовешь себе меня братом, и ты бы меня царевым взимком пожаловал, а яз чему жаден, толко братству бы нашему примета то была. Да прислал бы ми еси скорлат сукно, да двема моим женам по собольей по черной шубе, да тим, да ролдугу. Брат мой князь великий помолвит по знатью, что меня и боле есть и менши есть, ино велик Бог; а того бы не молвил, что боле меня есть; ино сколко дела будет, Бог исправит, а яз поспех учиню.

Великому князю, брату моему, от Ал-Чагыра мурзы поклон. Молвя, ведомо бы было: Ак-Магмедем зовут, слуга мой, у Бога да у тебя в руках; а попал в руки с Кудаярим вместе; и тем меня как пожалуешь, ты ведаешь. Да ещо Тотуем зовут, слуга мой, да Менда-Алием зовут, у Бога да у тебя в руках; за те три человекы мне как не постоишь и ты ведаешь.

А се грамоты от Шидяка мурзы с его человеком с Кудояром.

Великому князю Василью, брату моему, Сийдяк мурза кланяюся. После того ведомо бы было: с твоим отцом ваш отец в дружбе и в братстве был; а нынеча на отца своего юрте князем ся еси учинил, отца быти твоего век Бог дал в доброй час. Нашего отца не стало, а наши дяди на княжевие были, вы бы тамо здорово были, а мы бы здесе здоровы были. И после сего послов наших и гостей наших один бы конец был в Ногаех, а другой бы конец был на Москве, а лихо бы межи нас отстало. Молвя, правды деля с Кудояром богатырем тежелой поклон, а леккой поминок, один конь, послал есми. Слово наше дозде. А от Мусиных от семинатцати сынов лиха тобе не будет; а будет от болшие моее братии которое лихо, и мы о тех гораздо бием челом; а будет от меншие моее братии твоей земли которое лихо, и мы их уймем. И восе молвишь с козанским царем помирюся, и яз тобя с ним гораздо помирю. А пойдет на тобя крымская рать, хоти вам птичьим языком весть подай, и мы своею ратию, сколко нашие силы, с тобою все будем. А в сяков же год брат мой меншей [14] Ян-Махмет мурза послал был людей на твою украину, и яз унял по своей правде, и они от меня побежали; и яз тово, кто их водил вожь, Токашем зовут, собравши есми все его куны, да поимал собе: лихо бы отстало. Молвя, с Кудояром богатырем, Куль-Чугасом зовут, паробка своево послал есми в одном месте.

Шидяково мурзино слово Василью князю, брату моему. С Кудояром восмь голов в полон попало, о том как выпросишь и знашедши к нам пришлешь, жалование твое ведает. А в головах Аловов сын Ах-Махмет, другой Гушихов сын Тоту, третей Чюрашкою зовут у князя Петра у Великого, пятой Кудо-Бердеем зовут, шестой Булатом зовут, семой Менди-Алеем зовут, осмой Шах-Кулом зовут у Винки у Бурунова; и после того бы лиха и вперед не было. Молвя, грамоту есми послал к тобе.

А се грамоты от Мамая мурзы сь его человек с Курман-хозею.

Брату моему Василью князю от Мамая мурзы челобитие. Молвя, ведомо бы было: з братом с моим с Ал-Чагыром мурзою в дружбе и в братстве ся еси учинил; а мы у того мурзы и холопи и братия. И ты нас холопом и братом назовешь; и другу твоему друзи есмя и недругу твоему, сколко нашие силы, недрузи. Молвя, слугу своего Курман-хозю послали есмя, да с ним теть Янай, поминка конь.

Великому князю, брату моему, от Мамая мурзы поклон. Молвя, ведомо бы было: у Бога да у тебя в руках с Кудояром попали три мои слуги, Ак-Магмедем зовут, да Тотуем зовут, да Мендай-Алием зовут, и пожаловав за те трии человеки мне как не постоишь, ты ведаешь, а мне их отдашь, велми братство учинишь.

А се грамота от Шихим мурзина от меншово брата от Хош-Махметя мурзы сь его человеком з Бебешем.

Брату моему Василью князю от Шихим мурзина от меншово брата, от Хош-Махметя мурзы, мног мног поклон. С нашим отцем и с дядею друзи и братия учинилися; и мы по своей силе нас братом собе назовешь, другу твоему другом будем, а недруга твоего саблею сечем. Абды-Ябарова княжево меншово брата Бебеша послал есми. Княжему послужению от нас один конь поминка.

VII. И сентября 6, велел князь великий Ах-Куртову царевичеву сыну Ак-Девлетю быти на дворе, а велел ему говорити Дмитрею Володимерову, да Федору Карпову, да Болдырю, а тут был Шидяк мурзин человек Кудаяр.

И Дмитрей ему говорил: Государь наш велел тебе говорити: прислал к нам тебя отец твой Ах-Курт царевич, да и грамоту свою к нам прислал; а писал к нам в своей грамоте, что хочет князь [15] итти в вашу землю; и нам бы ему дати из дву мест одно место, Казань или городов Мещерской. — Государь наш велел тебе говорити: ино казанской царь Махмет-Аминь ныне нам друг и брат, а в городке Мещерском Янай царевич, и те места оба непорожни, и нам тех несть обеих непригоже ему дати.

И Кудаяр говорил: коли государь хочет жаловати Ах-Курта, чтобы у него был, и он бы дал Ах-Курту царевичю Андреев городок каменой.

И они ему отвечали: Андреев городов к городку ж за Янаем царевичем: того государю нашему непригоже ж дати.

И как пришол к великому князю, и князь великий ему те ж речи говорил. Да молвил ему: велел есми тебе дати платно теплое, а людей есми твоих велел пожаловати. Да того дни его и отпустил.

А грамоты князь великий к Ах-Курту царевичю не послал.

А мурзиным людем князь великий говорил, Ал-Чагир мырзину человеку и Шидяк мурзнну человеку Кудаяру и иных мурз людем: Привезли есте к нам грамоты от мурз; а писали к нам мурзы о том, чтобы нам с ними хотети дружбы: и мы с ними дружбы хотим, и грамоты свои шлем к мурзам с вами, и подаст вам те грамоты дьяк наш Волдырь Паюсов. А человека своего ныне к мурзам не посылаем того деля, что ныне у Асана князя и у мурзы посол наш Темирь князь. И вы мурзам от нас молвите, чтобы нашего посла Темиря князя отпустили к нам не мотчаа, да и своих бы людей с ним вместе к нам послали, да и гостей; а гостем их к нам приехати и от нас из наших земль отъехати доброволно; а как даст Бог будут у нас наш посол Темирь князь и их люди, и мы к ним тогды своего человека пошлем. — Да того дни их князь великий и отпустил.

А се от великого князя посланы грамоты в Нагаи к мурзам с их людми.

К Аль-Чагыр мурзе грамота с его человеком с Бау-Беком.

Великого князя Васильево олово Ал-Чагыр мурзе. Прислал еси к нам своего человека Бау-Бека с своею грамотою. А в грамоте своей к нам писал еси, и словом нам от тебя твой человек Бау-Бек говорил, что хочешь с нами быти в дружбе потомуж, как был отец твой с отцем с нашим, и на нашего недруга хочешь с нами быти заодин; и нам бы с тобою похотети в дружбе быти, да и люди бы наши межи нас ездили здоровья нашего видети, да и гости бы вашы в наши земли ходили, — так еси к нам писал в своей грамоте. И мы с тобою дружбы хотим потомуж, как был отец твой с нашым отцем, [16] и люди бы наши лежи нас ездили здоровья нашего видети, и гости бы ваши в наши земли ходили. А послал есми к Асану князю и к тебе и в иным мурзам посла своего Темиря князя, а о всем о том с ним есми к вам наказал. И вы бы нашего посла Темиря князя, не издержав, к нам отпустили, да и гостей своих с ним вместе к нам отпустили; а гостем вашим к нам в наши земли доброволно приехати и назад отъехати безо всякие зацепки. А ныне послал есми х тебе поминков с твоим человеком з Бау-Беком: шубу хрепты белинны гола, да сукно ибское черлено, да зуб рыбей; а жене твоей Алагунге послал есми с ее человеком з Бер-Довлатом шубу хрепты бельи гола, да сукно ипское черлено. Да писал еси к нам, что которые люди ваши попали в руки нашим людом, и нам бы тех ваших людей к вам отпустити. И которых есмя ваших людей в своей земле доискалися, и мы тех ваших людей к вам отпустили с вашими людми з Бау-Беком с товарищы. Писана на Москве, лета 7017, сентября.

А се грамота великого князя к Шийдяк мырзе сь его человеком с Кудояром. Великого князя Васильево слово Шийдяк мырзе. Прислал еси к нам своего человека Кудаяра з грамотою, а в грамоте в своей к нам писал еси, чтобы нам похотети с тобою дружбы потомуж, как был отец твой с нашим отцем, и люди бы наши межи нас ездили здоровья нашего видети, да гости бы ваши в наши земли ходили, — так еси к нам писал еси в своей грамоте. И мы с тобою дружбы хотим потомуж, как был отец твой с вашим отцем, и люди бы ваши межи нас ездили здоровья нашего видети, да и гости бы ваши в наши земли ходили. А послал есми к Асану князю и к тебе и к иным мурзам посла своего Темиря князя, а о всем о том с ним есми к вам наказал; и вы бы вашего посла Темиря князя не издержав к нам отпустили, да и гостей своих с ним вместе к нам отпустили; а гостем вашим к вам в наши земли доброволно приехати, назад из наших земель отъехати безо всякие зацепки. А ныне послал есми х тебе поминков с твоим человеком с Кудаяром. шубу хрепты белинны голу, да цки горла лисичьи, да сукно ибское черлено, да сукно лунское багрово, да зуб рыбей. Да писал еси к нам, что которые ваши люди попали в руки нашим людем, и нам бы тех ваших людей к вам отпустити. И которых есмя ваших людей в своей земле доискалися, и мы тех ваших людей к вам отпустили с вашими людми, с Кудояром с товарищы. Писан на Москве, лета 7017 сентября.

А се грамота великого князя к Мамаю мурзе сь его человеком с Курман-хозею. Великого князя Васильево слово Мамаю мурзе. Прислал еси [17] к нам своего человека Курман-хозю з грамотою, а в грамоте своей к нам писал еси, что мы з братом с твоим с Ал-Чагыром мурзою в дружбе, и нам и с тобою похотети дружбы, люди бы наши межи нас ездили здоровья нашего видети, — так еси к нам писал в своей грамоте. И мы с тобою дружбы хотим, и люди бы наши межи нас ездили здоровья нашего видети, и гости бы ваши в наши земли ходили; а гостем вашим к нам в ваши земли доброволно приехати и назад из наших земель отъехати безо всякие зацепки. А ныне послал есми х тебе поминков с твоим человеком с Курман-хозею шубу хрепты белинные голу, да сукно ибское черлено. Писав на Москве, лета 7017, сентября.

А се грамота великого князя к Хош-Маахметю мурзе сь его человеков з Бебешом. Великого князя Васильево слово Хош-Маахметю мурзе. Прислал еси к вам своего человека Бебеша з грамотою, а в грамоте своей и нам писал еси, чтобы нам с тобою похотети дружбы потомуж, как были с отцом с нашим и с нами отец твой и дядя твой в дружбе, — так еси к нам писал в своей грамоте. Мы с тобою дружбы хотим, и люди бы наши межи нас ездили здоровья нашего видети, и гости бы ваши в наши земли ходили; а гостем вашим к вам в наши земли доброволно приехати и назад из наших земель отъехати без всякие зацепки. А ныне послал есми х тебе с твоим человеком з Бебешом поминка шубу хрепты белилны гола, да сукно ипокое черлено, да два сукна лунских. Писана на Москве, лета 7017, сентября.

А се такова грамота дана Ал-Чагир мурзину человеку Бау-Беку и иных мурз людем. От великого князя Василья Ивановича всеа Русии Городецким казаком всем и всем нашим людем. Били нам челом Ал-Чагиров мурзин человек Бау-Бек с товарищи и иных мурз люди ногайских о том: коли пошлют к нам мурзы своих людей, или гости их из Ногай в наши земли пойдут, ино бы им от вас от наших людей лиха никоторого не было; и кого пошлют к нам мурзы своих людей, или из Ногай гости в наши земли пойдут с сею нашею грамотою, и вы бы, казаки Городецкие, и все бы наши люди тем мурзиным людем и гостем ногайским лиха никоторого нигде не чинили, по сей моей грамоте. Писан на Москве, лета 7017, сентября.

А Шидякову мурзину человеку Кудояру такова ж дана грамота; а даны им грамоты по русской да по татарской; а печати у них болшие. Да отдал полон Нагаем: у Андрея у Салтыкова взят, Менда-Алеем зовут, да у Федора у Карпова взят Уроз-Гелдей, у Киреа у тиуна Каип-Бердей, да Урас-сеить, да Ел-Маамед, ис тюрмы у него взяты. [18]

VIII. И сентября 7, Ак-Девлетя царевича и мурзиных людей князь великий отпустил. А послал с ними в приставех до Коломны и до Украины проводити их толкачей своих Федка Новокщена Мордвина самого десятого. А поехали с Москвы сентября 11. А с Коломны велел князь великий проводити Нагаи до Рязани Степану Миткеву Хореву, а с ним пятдесят человек. А с Рязани велел князь великий великой княгине послати с Нагаи проводити их до Украины Якова Назарьева или Булгака Денисьева, с ним велел ей послати своих детей боярских двесте голов; да проводив их до Украины, да на Украине велено им помотчати, чтобы Нагаи, вышед из Украины, великого князя люден никакова не учинили лиха.

А отпущали Нагаи и толмачей, Федка Новокщена с товарищы, и грамоты от великого князя о проводе, чтоб Нагай проводили до Украины: на Коломну к Степану, и на Рязань к великой княгине, послали Дмитрей Володимеров, да дьяк Лука Семенов ¹.

Комментарии

1. Этим кончается 1 № статейных списков Ногайских дел.

Спасибо команде vostlit.info за огромную работу по переводу и редактированию этих исторических документов! Это колоссальный труд волонтёров, включая ручную редактуру распознанных файлов. Источник: vostlit.info