СРЕДНЕВЕКОВЫЕ ИСТОРИЧЕСКИЕ ИСТОЧНИКИ
ВОСТОКА И ЗАПАДА

ПУТЕШЕСТВИЕ ДИАКОНА АРСЕНИЯ СЕЛУНСКОГО ПО СВЯТЫМ МЕСТАМ

О ПУТЕШЕСТВИИ АРСЕНИЯ СЕЛУНСКОГО

Время путешествия Арсения диакона Селунского нам неизвестно, и даже нет лиц, свидетельствующих о его хождении в Иерусалим. Не смотря на свое долговременное пребывание во святом граде, как он сам говорит, путешествие его состоит из краткой записки, виденных им мест. Для издания путешествия Арсения употреблен был мною только один список, находящийся в Румянцовском музеуме; других списков этого путешествия я не видал. Список Румянцовского музеума есть только копия, выписанная из Софийской библиотеки.

В росписи Синодальной Московской библиотеки, хранящейся в Императорской публичной библиотеке, находится под № 329 список: Повесть краткая Арсения диакона о Иерусалиме. Эта повесть та ли самая, которая находится в Софийской библиотеке, или другая - мне неизвестно. [75]

ПУТЕШЕСТВИЕ ДИАКОНА АРСЕНИЯ СЕЛУНСКОГО

Се аз, раб Божий, Арсений смиренный, диакон Селуня града, был есмь во Иерусалиме 17 лет, и видел есмь Иерусалим, и вся знамения Иерусалима. Скажу вам во истину пред Богом. Первое знамение есть: святый Сион, храм Господень, а церковь велика, сведена на 4 страны. А над гробом Господним не покрыта церковь; а дверей в ней есть 12; вход в церковь о правую сторону храм Господень, 12 ступеней, нога к ноге прикладая, братис; а знамение на гробе Господне о правую сторону есть гроб Господень. А от гроба Господня з сажен, ту есть пуп земли, а величество его три обоймища около его; с левую страну гроба Господня есть пропасть велика, где сшел Христос во ад; стоит весь год запечатана, только в Воскресение Христово отпадают печати, и приходит Патриарх с диаконы, и приклонив [76] свою главу над пропастью, и диакон так же свою главу, и слышат чвекот в пропасти, и потом обратится ко гробу Господню Патриарх с попы и со всеми народы. А пропасть от гроба есть Господня полторы сажени. И ту знамение сходит с небеси, молния на гроб Господень. Во гробе Господни суть три свещи горят, что Мироносцы поставили. Ту во гробе Господни есть три кресты велики: един аки свеща горит, другий курится аки дым, третий извозит из нее аки емза. И в великий четверток изгасают те свещи, и не будет огня во всем Иерусалиме в четверток и пяток; а в субботу великую на ночь, в 9 час сходит молния в гроб Господень, и зажгутся свещи, и те три свечи. И видев Патриарх знамение Христово, входит во гроб с двема диаконы, и зажгут свещу, и начинают: «Христос воскресе», и потом дают огнь из гроба Господня всему народу. От гроба до ног Господних есть 5 сажен; ту лежит камень бел, тем подобием яко яицо, что было на гробе Господни. И входя в церковь, о левую страну, лежит глава Адама первозданного человека; а от дверей 15 сажен до главы Адамовы. А на главе той есть церковь, служба в ней вседневная, а лежит взничь двери в главу горлом, а лежит в закрилу церковном. [77]

От Иерусалима до Вифании града, где был гроб Лазарев, 6 миль; а Гефсимания, где гроб Святой Богородицы, 6 миль от Иерусалима. Ту знамение: гроб Святой Богородицы, и стопы Христовы знати на камени и до сего дни; второе знамение: Жидовин принялся за одр Святой Богородицы, и Ангел отсек ему руце.

От Иерусалима до Елеонские горы 7 миль, гора высока вельми, растут на ней древеса масличные, а иного леса нет.

Между Иерусалимом и Елеонскою горою есть поле Иермон, среди поля того стоит гора Фавор, где преобразился Христос. Гора не велика, леса нет, стоит на ней церковь, а в ней служба вседневная, а в олтаре, под престолом, стопы Христовы знати и до сего дни на камени том, где стоял Христос.

И на праздник Преображения Христова патриарх обедню собором поет, рано как солнце всходит; а отпев обедню побежит наскоре, занеже, как отпоют, сходят на гору столп огнен и молния.

От Иерусалима до Скудельничего села миля: ту странным погребение. Коли Июда Христа предал на 30 сребреницех, и, раскаяхся, поверже сребренники, Пилат же купи село Скудельниче на погребение странным. А от Иерусалима до Капернаума 20 миль: ту стоял Христос на молитве со ученики своими. [78]

А от Иерусалима до Иордана 23 мили, где Христос крестился: ту есть церковь святый Иоанн Предтеча; а на брезе Иордана камень, знати стопы Христовы на нем, а под тем камением кости змиевы видети, что блюл рукописание Адамле.

И от тоя церкви до святого Герасима 3 мили, а от Лавры святого Саввы 6 миль, а от святого Иоанна чрез Иордан до дуба Мамврийского миля, где явися Бог в Троице Аврааму. А от Иордана до града Самарийска, до студенца Иаковля, коли явися Христос жене Самаряныне, миля; а от Иерусалима до дверей затворенных 4 мили, коли пришел Христос к дверем затворенным, и глагола учеником своим: «мир вам»; и ту стена каменна, а обону стен смотрих 12 дверей, а в другую страну отворены двери, а где был Христос, затворены. А до камени, иже нарицается: «слава тебе Боже» - 6 миль. Коли шел Христос во Иерусалим, рече ученикам своим: идите в преднюю весь, и обрящете человека в скудельнице воду носяща, и рцыте дому-врадыце: «учитель глаголет у тебя сотворю пасху со ученики моими». А в дом Давыдов нет силы зрети, коли день солнечный осияет, яко солнце зрети, и доколе солнце не зайдет, не дойти до него.